بنكــي الرياض

بنكي ترا بنك الرياض انا اشهد انه مستفيد=الفين وربع قصدهم الفين وربع بالشهر
اقولها لك يامدير البنك لاتدور رصيد=العسكري صرافته بين البناشر والكفر
الحظ عيا لايجيب اليوم لي موتر جديد=ماجاب لي غير الديون ماجاب لي غير القهر
من زين حظي لابغيت القاهره ولا الصعيد=لقيت نفسي في حراج اخبولكم ياهل الحفر
الحمدلله واشكره الحمدلله ياسعيد=العافيه كنزن ثمين العافيه كنز العمر
يالبنادم دنيتك مثل الجراده والجريد=اقولها واقولها لنها ممر ليسا مقر
اقولها واقولها في دنيتي والله ماريد=ياكود حسن الخاتمه في دار طيبة يابشر
لاحدن يخلي دنيته كوم ٍ على ظهره حديد=ولاحدن يغير نيته لن النوايا تنتصر
وختامها ياصاحبي حاول تميز وش تريد=والك التحيه دامني مؤمن وراضي بالقدر