ضلع السهر عديت فى راس مرقابه

أرسل لي أحد الاصدقاء ثلاث ابيات من منقولة وأعجبتني واحببت ان اجاريها واطلعكم عليها.....



البيوت المرسلة




مايزعج النفس الا بعد غاليها***** ولايسعد القلب الا شوفة احبابه


ياعين خلي دموعك فيك خليها*****القلب يكفيه من الاحزان ماصابه


يكفي حياتي غلا الغالين ماليها*****لو شفتهم زال كل الضيق وأسبابه





اعجبتني الابيات وقوافيها وتفاعلنا معها وكان هذا الرد






البارحة مشيت على الشوك حافيها*****جاوبت في صوتي صويب الذيابه


ياعين يا اللي دايم النوم جافيها*****ضلع السهر عديت في رأس مرقابه


عينن سهيره دايم الدوم وش فيها*****أثر السبب حربن مع الهم ومجابه


حرب(ن) ضروس داخل القلب مخفيها*****بأسبابها نفسي بالحيل منصابه


والنفس ما فيها من الهم كافيها*****لا حلت الذكرى على النفس غلابه


ماني بمنكرها ولاني بنافيها*****لاصار به وضعن مع الناس متشابه


جون تعكر عج من قوى سافيها*****يقفاه بأمر الله وبل السحابه


مهما تعكر وخض الطين صافيها*****رجاي بالله دومماخاب طلابه


يا الله يا مبري لي النفس شافيها*****تزيل من قلبي من الهم مابه


سكينة(ن) لا حل بالقلب ضافيها*****عقب الكدر فرحة بالنفس خلابه


ظلمة حزن لابد النور قافيها*****وإيمان في قلبي زاده ومزهابه


وصلوا على المختار بأخر قوافيها*****والحمد للي تطرق الناس بابه

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

تسلم اخوي انادر وصح لسانك على المجاراه الطيبه
تحياتي لك ياغالي

صح الله لسانك
ولاهنت
وسلم فكرك وبنانك
دمت برعاية الله وحفظة