هذي حدايه سويتها ورسلتها لواحد من الربع

الاوله/=
سلام تسليم الحيا الي دن رعاده ولاح براقه على روس المزون الغر ونهل الرشاشي=
وسم الحيا تفرحبه البدوان حتى ديارها تحيا سهل وجبالها ويعيش ميتها الهشيم الي قشاشي=
شوف الربيع أكبر دواء للبدو يومن الدبش ترعا وديرتها تقولنك ملبسها من المرعا فراشي=
هذي حقيقه ثابته مثل القمر نوره ليا منه بدا وسط السماء غطا على كل النجوم=
والثانيه/=
يالاد عمي ياحزامي فزعتي عندي علوم وقابله ياربعنا لخذ ونقاشي=
سرد السوالف من جهتنا ماتجيكم قصد لجلن السوالف يالعوارف عندنا ماغير كاشي=
العلم خلك منتبهله والرموز تلوحلك مثل الحيا لالاح برقه يشعفك عرض المناشي=
ونته فطين وتعرف الموضوع مايخفاك لأجلنك محنك فالشعر والشعر في بحره تعوم=
والثالثه/=
بنشدك عن سمحان راع الراس الأصوك يوم شد الحمل أثرعظمه صليب وفالسفرماهو هشاشي=
خمسة سنين وزود عقبنه مشا والناس ماتدري عنه لاكن نسمع ساس أبو زايد كراشي=
يبغا الشهاده والبناء فالأخره ساسه جويد ولايزحزحه الزمن عند الولي ماهو كما بني العشاشي=
الليل ياشعار نبغا اللغز حله بعد ماجينا وجيتو وستمعتو والبلا لنعتذر سلمان مع صياف في وقت اللزوم=