( حرف جاني مثل مجلوب العسـل=صافي المجنا من الضلع الشهيـر ) ... مساجله

/
/
/
/
/
/
/
/
/
/
/
/
/
/
/
/
/
الحقيقه
وانا التصفح في النّت بعيدا عن الشعر
قرأت كلام ماسرني وحبيت اترجمه في ابيات كتبتها على الفور
ووجهتا للغالي والحكيم ابو محسن
واتمنى ان تنال إعجاب الجميع


بدع الشاعر / خالد بن عبيد بن معتوق ألأحمدي

قايـدك لعطـاك راتبكـم دبـل=اشكر المعروف وادعيله بخيـر
هرج يافوّاز نحكـي بـه عـدل=ودّنا يوحيـه معـدوم الضميـر
ناكر المعـروف سمّيـه النـذل=شاين النيّات ماوجهـه سفيـر
هو دني النفس في ذلّـه قبـل=يكرموه النـاس لاكنّـه حقيـر
لو تشوف الخير عنّده كالجبـل=يشتكي لك يدعـي بنّـه فقيـر
ماهو برجّال مـن عـدّه رجـل=اردع العاصين يالوجه المنيـر
تركك الجاهل على جهله جهـل=والسكوت اوقات ياصاحب خطير
صاحبي فوّاز مااحكي لك هـزل=اعرفك رجّال في وقتك بصيـر
مشتري راحتك مااتحب الجـدل=هذي اصفاتك ومن جرّب خبير
والصراحه حقّ مافيهـا خجـل=والصفى والطيب نهجك يالامير
وراتبـك لابـد ياتيكـم دبــل=دام ابو متعب على الدنيا بخيـر

رد الشاعر القدير / فواز بن محسن الزويهري

حرف جاني مثل مجلوب العسـل=صافي المجنا من الضلع الشهيـر
رزق ربي يـوم جانـا نستهـل=ربّي الرزَاق ما يقبـل خشيـر
سخّر القايد علـى منهـج عمـل=لجل ذلك وردنـا جالـه عبيـر
نتَبع نهجـه علـى نـور وأمـل=ياعميل الخير من خالف ضريـر
ذاك حاقد يبحـث يـدور خلـل=سوء ظنه كبكبه وسـط السعيـر
لاتكلـم ينكشـف قولـه عجـل=أنكر الأصوات معلـوم الحميـر
يكرم السامـع وتكـرم يالبطـل=من وصوف الخاين اللي له نشير
ولا يضرّك من يدقـون الطبـل=خارج الأسوار فالشرق الحسيـر
عندهـم أذنـاب صايبهـا شلـل=والذنب بين البشر مالـه مسيـر
جعل أبو متعب لنا تـاج وسهـل=والد المسكيـن والقلـب الكبيـر