يامرحبا وعداد نجم تهيا

ياعين ياللي دمعتك في يديا=وشهو تخافينه وحنا نصلي
إن كان موتي لاتحاتين شيا=الموت سنه للعرب لا تذلي
مدامني عايش على الخير هيا =كفي دموعك فالزمان المولي
محمد الهادي توفى نبيا=ماهو بنا اللي انعتك لاتهلي
وإن كان خوفك لجل خلك بليا=بكره على الاكتاف يحمل وشلي
وإن كانك خوفك لجل خي(ن) وخيا=ماله لزومن كلهم تحت ظلي
فظل ربي ثم ظل الثريا=اللي ليا قلنا سلام (ن) تهلي
يامرحبا وعداد نجم(ن) تهيا=بعيوني الثنتين بعلى محلي
وعداد حسنات العرب بضحيا=وعداد ماغاب القمر ثم طلي
هاذي أمي جنتي هم ضيا=تخفي كدرها لجلنا ماتملي
فيها ابتسامه تجعل الميت حيا=استغفر الله ماقصدت التعلي
أمي لها قدر(ن) بقلبي هنيا=يعني على ماقيل صعبن يفلي
وفظل شيخ(ن) مايمن العطيا=مدت يمينه غيمة(ن) تستهلي
فيه الكرم والطيب والعز ليا=لني اشوف الطيب منه وصلي
ابوي تاج الراس وقف تحيا=والحين كمل ياقصيدي هو اللي
قال للي يابوك هاذي هديا=عنوانها بيت القصيدة فنطن لي
ياأحمد ترى الايام ماهي رديا=وصحيح ياأحمد من قبل ماصفن لي
لاترد محتاج(ن) بغى منك ميا=ولاتقدم الزله على من يزلي
لاتشكي همك لو يزلزل طميا=اكتم الضيقه وربك يحلي
ولاتجامل العالم بحسنه وسيا=ترا المجامل مايفيد المصلي
خلك على يمه ورب البريا=يجعل مكانك دايمن في تعلي
يابوي نفسي في حياتك قويا=عزيز غالي جعل قبرك محلي
والحين ياعيني دموعك بديا=واللي تخافينه وداع المهلي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

ولاتــجــامـــل الــعــالـــم بــحــســنــه وســــيــــا
تــــــــرا الــمــجــامــل مــايــفــيــد الــمــصــلـــي

شعر وحكمه وكل بيت احلى من الثاني
لله درك يالجابري
اسجل اعجابي
وصح لسانك مليااار
ودي لك

لاهنت وصح السانك

تقبل التقدير والاحترام

وفقك الله

الشاعر الكبير / احمد الجابري صح لسانك مميز وبصراحة من اهل الابداااااع والابداع ماهو غريب على احمد .......... تقبل خالص الود والاحترام

صح الله لسانك
ولاهنت
وسلم فكرك وبنانك
دمت برعاية الله وحفظة