][ أرمل غلا ][ ..!

أعتذر عن غيابي .. بعد غياب ..

وش بقى عندي و أقول .. = عن سواليف الظلال ؟
شمسنا كاهي تزول .. = غرب و الوجهه شمال
عادي إن ظلّك يطول .. = البلا إنّ الليل طال ..!

انا تزوجت الغلا فيك و أنجبت ... = ضحكه تخليني عن الضيق سالي
منها على ظروف الليالي تغلّبت .. = ولا عاد تعني لي ظروف الليالي
و مْن الجروح اللي برت خافقي طبت .. = واخترت اعيش بعين جرحي لحالي !
أفرح وأعيش اليوم وأستبعد الكبت ... = يعني بليغ إن قلت مرتاح بالي
وانا لجل عينك رقيت و تعنّبت .. = ما طالني غيرك ولو قال حالي !
ياما على دربك من العذل ما هبت .. = واثق و أغنيلك حروفي و ألالي
لكن وصالك شمس و احساسنا نبت .. = و أصبحت أشوفك ظلّ نبتة خيالي
يغيب لكنّي و لو غاب ما غبت .. = أرقب شروق يردّ يمّي ظلالي
ومن كثر ماني كنت واقف تصلّبت .. = و انا احمد الله يوم صدري شمالي
و إلا ترى يمدي من مفارقك شبت .. = ي اللي قتلتي من غيابك عيالي
أرمل غلا في درب حزني تغرّبت .. = ضامي فرح ودروب عمري خوالي
تقتلني الضيقه من السبت لـ السبت = و غير الشعر مافيه شيّن بقالي ..

مشكلتك إنك جفوول .. = فيك من طبع الغزال
كل ما شفتك خجول .. = إكتشفت إنك خيال
أسألك بالله ( عول ) .. = دمع من محجرك سال
البكا ماهو حلول .. = حلّنا الاوحد ( وصآآل )

السامر الحربي