هاذي هي طراة العمر يامعرب الجدان

24-06-11, 06:11 PM

سلام عليكم ورحمة الله وبركاته جرت هاذه القصيدة لموقف ووظعتها في هاذا الصرح الشامخ بين المبدعين

انا ماشرب الشيشه ولا داني الدخان=ولااني أبايعها ولاني بشاريها
عليها وسومن للخطر بينت بااعلان=اباموت وانا قاله لله ماادنيها
لابالله ماهي كيف للراس يالظرمان=عسى الله يحمينا والاجواد يحميها
سمومن تهد الحيل وتسرطن الشريان=لعل لله امن الارض ياناس يمحيها
تجنبتها خوفن من الواحد المناان=ابخشاه والا الناس ماني بخاشيها
انا ماشرب الا البن من دلة الرسلان=مع للي ماحرمها على الخلق واليها
واحب العلوم للي تنومس مع العربان=علومن تبيض يالخوي وجه راعيها
واحب الرجال للي وفاها على برهان=واحب الرجال للي بعيده هقاويها
واحب الوفاء واللي يرد الوفاء لاهان=واحب الرجال للي على النعم طاريها
واحب الربيع وسجة الرجل فالريضان=بعيدن عن الديرة وشوفة مبانيها
واحب اللبل اللي شوفها يجلي الاحزان=عطايا الله اللي كل منعور يغليها
عطايا الله اللي دونها ترخص الاثمان=عسى المزنه الغرى تسيل مفاليها
عطايا لله اللي تعتزي دونها الشجعان=ليا ثارت الهيجاء وكثرة عزاويها
اكبار الجروم الله خلقها عضيمة شان=اعراض الخدود مونسة صدر قانيها
اطوال الرقاب الجرد مثل الحدب شامان=اعراض المتون للي وبرها مغطيها
وانا شف بالي فالمغاتير ياحوران=سوات القنوف البيض لاجيت احليها
اطوال الغوارب غاليه والعظود امتان=قصيرة فقار اوذيل حلوى اللبن فيها
اعراض الجنوب امدلهةخطر الظيفان=اطوالن مشاربها وخرعن اذانيها
ليامنها سمعت ندى المودة الطربان=تزرفل طرب سبحان ربن مسويها
ليا ناطحنك كنهن شمخ البنيان=والياقفت قليل امن اللبل للي يماشيها
سناد اوسنامن منفهق فالشحم مليان=اوساعن مناحرها اطوالن لواحيها
ورثمن من العرنون عقلاء من السيقان=اصغارن مواطيها اطوالن خطاويها
هاذي هي طراة العمر ياشارب الدخان=مدام الحياة ايام والموت قافيها