██▓▒░ ( ♥- ديوان الشاعر الـصـ" أبوصـايـل "ــامـت -♥ )░░▒▓██

لحن تشرفت به عن طريق المسن مع

ابن العم والشاعر القدير

حفيد الحجيري

أترككم مع اللحن .





.

تركي=
مادمت موجود شاعرنا = ولك حرف كالؤلؤ المنثور
جديد حرفك .. به امطرنا = بشرط.. مايكون شاف النور
الحجيري=
جديدنا اللي يحاصرنا=هم بقليله تجف بحور
هماً لفا و هم غادرنا=وهموم لساع فالطابور
تركي=
من شانك الجزل حضرنا = دايم ونسل الصقور صقور
توّك.. ترانا تأثرنا = ياصاحبي والمشار يشور
الحجيري=
عن مثلكم ما توخرنا= فالوعد وآنا حفيد نمور
قدام نكشف دفاترنا= هل عندكم طب يا دكتور
تركي=
من دون تشرح وتخبرنا = علمك مصدق عليه مهور
وعن مثلكم ما يعذرنا = الا جروح الهوى معذور
الحجيري=
درب الهوى فيه قد سرنا = ومن جوف شوكه قطفنا زهور
لكن ما تخفي سرايرنا = اكبر من الودْ وطرف الحور
تركي=
حركت خافي ضمايرنا= واظهرت ما كان بي مستور
يابو علي قول نورنا = هات الذي في خفاك يدور
الحجيري=
أولْتَنا تاه فآخرنا = نوفي مع الوقت معنا يبور
ونزهم على الحظ يخصرنا = كيف العمل يا سديد الشور
تركي=
في وقتنا ماتخيّرنا = واللي فعزمك ماهو مقهور
خله يواكب تطورنا = حظك وبكره يجي بسرور
في دنيته يامشاورنا = قالوه راع الصبر مأجور
بعد الجزيلات حررنا=تفاول بخير حنا بشور

.
.

الناس ماتبغى من الناس حاجة =الا الوفاء والاحترام وسلامتك
أهل الوفا والطيب تِطلِق حجاجه=وتِفديك بالأعيان وتصوُن عِشرتك
تِلبِسْك في عُسر المواقيف تاجه=وكُل مايزيد العُمْر زادت مَعَزتك
فيها مِن الخُوَّه وفـيها إنبلاجه=إليا أجحفت دِنياك وألا تَحَدتك
ومعاشر الهافين وأهل السماجه =يعقِّـب القولون و يضُـر صِحتك
مـا مِن وراه إلا الغثا والسذاجه=لـو ما تِجَنَبتُه •• يزوِّد مضرّتك
وإن كان لك عِند المقّفين حاجه=يغنيك عنها الله ويسِّد حاجتك
أهل العواجَه ما تكُّب العواجَه = بالعِشره العوجا تحدِّد نهايتك
✍ تركي عبدالله البشري=