ديوان الشاعر//دليم مرزوق الشدادي

بسم الله ابدا واشد القاف واذكربه=فخرٍ مع اهل الفخر لي حق افاخربه
ماني عن الماقف الغصاب متخفي=(مادام مالي عذر ويش اتعذربه)
جيت ابا اهني واشارك والفخر ليه=بالماقف اللي يشوق خطوتي دربه
وسلام ياحرب ياهل الرايه البيضاء=بالمعجزات الثلاث علومكم ذربه
ياحرب ياحرب ياعزي ونوماسي=ياتاج راسي حزامي ساعة الكربه
ياحرب ياحرب ياحرابة العايل=كم عايلٍ عيدوبه وقلعوا سربه
ياحرب ياحرب ياحرابة الطايش=لامن بعض العرب طيشه نفخ ذربه
ياحرب ياحرب ياللي تحشم الحاها=يوم اللحى بين محشومه ومنتربه
ياحرب ياحرب يالباسة الجوخه=يوم المعارك ولكز الشلف والحربه
ياحرب ياحرب ياحماية الخوه=ياللي لكم بالخوي فعلٍ يفاخربه
ياحرب ياحرب ياحرابة الدوله=يومن الاحوال قبل الحكم مضطربه
والا بعد جيت معزي لكم وقفه=ووجيهكم بيض ياحماية السربه
ياحرب ياحرب ياهل الجيره الزينه=قصيركم مافهقتو بالعصى جربه
ياحرب ياحرب كفيتو وفيتو=والكل له ماقفٍ طيب ويشكربه
وسلام ياحرب ياعزي ونوماسي=بالماقف اللي يكبرني وانا اكبربه