ديوان الشاعر//دليم مرزوق الشدادي

السلام عليكم ورحمة الله وبركاته

ودي اني قويت الصبر قدام ابيح=بس عيت هجوسي لاتكف المطر
سابقتني على طار الخطاء والصحيح=ومن سببها تساوى النوم هو والسهر
من جروحٍ بروحي لابغيت استريح=واخفي الطعنه اللي بالظهروالنحر
زارني هاجسٍ لاضقت ماهو شحيح=لاشكى القلب همه قال مالك عذر
واستعديت لإمره والقلم مايطيح=لين اشيد بيوتي فوق موج البحر
اتمثل واخفف هم قلبٍ جريح=اتسلاء وانا اعرف كيف جرح الدهر
وادري ان الدهر بالناس ماله نطيح=كود من عاش في حظٍ يهد الصخر
وؤمن بقول عيش بحظ والا استريح=عشت بالارض والا فوق سطح القمر
كل ماتفعله تطيربه كل ريح=دام ما الله كنفك بحظ غظ النظر
لاتحاول تهوز الكايدات وتطيح=اعتصم والمطر لاطاح نبت الشجر
تخضر اغصون ويطيب الفؤاد الجريح=تشرق الشمس وتفتح ثغور الزهر
ولا انت بالاول اللي من زمانه جريح=ولا أنت بالتالي اللي حل فيه القدر