ديوان الشاعر//دليم مرزوق الشدادي

السلام عليكم ورحمة الله وبركاته

هاجسي مشغول جاه من اشغله=جاه راع السالفه في سين جيم
في بيوتٍ ماعليها بسمله=مدغمه وادغامها ماهو سليم
صار ليه كنه الشوك اسهله=وحطني بين الحقيقه والجحيم
لاقدرة اعطي جواب الاسئله=ولاقدرة المسك ياالراس الحشيم
والتحف شرهات غيرك وازعله=واتوسد شرهة الرجل الفهيم
صدق فيه احيان ناسٍ تنبله=لوذكاها فوق خط المستقيم
يخطي الثنتين وان قلت اعدله=ينعوج بيديك مثل ادق سيم
مشكله لكن كانت مشكله=مير صغرت بأذن رحمانٍ رحيم
التغطرس مايسمى مرجله=والتواضع مسحة دموع اليتيم
شب يالهاجس فتيلك واشعله=بعد مافرجة من الرب الكريم
وكل بابٍ تشتبه فيه اقفله= لايجيب الريح ذعذاع النسيم
ثم تجي بين الصواب ومدخله=وتنحرف يمك مناقيد اللئيم
اسئل اللي سبب الغيض اسئله=دام ماهو لاعدو ولاغشيم
ليه يخلط بين مزح وبهلله=ماتقل يدري عن اللي بالصميم
ولاتقل يعرف علوم المهزله=ولاتقل رجلٍ معه رآيٍ حكيم
وقله انك لو بحثت المسئاله=وقام منها هاجسٍ لولاك نيم
ماانت لو حاولت محدث خلخله=بالقلوب اللي هدفها مستقيم
للعقود بشائة الله حلحله=مالك الله يفرح بليس الرجيم