ديوان الشاعر//دليم مرزوق الشدادي

السلام عليكم ورحمة الله وبركاته
اليكم هذه المشاركه عساء ان تنال اعجابكم

بسم الله ابدا واشد القاف واسوقه=ورجواي ماني على غيره معلقها
لو قلت للهاجس اللي زاد حاروقه=ماني مجاملك لين الحال تسرقها
الاوله سابقه ماهي بمسبوقه=امثال ناسٍ تزكيها حقايقها
هاذا وكلٍ على همه سهر موقه=وانا شقاء العين لو كابرت لاحقها
والقلب مني يتل الهم معلوقه= على هكالسالفه ماني مصدقها
ولالي عن الحق لاحوصه ولاتوقه=ولايقطع ارقاب خلقه غير خالقها
ولو كل روسٍ تغيب تبين محلوقه=ياكثر روسٍ يبا وقتك يحلقها
ولو غاب راس الخوي ماتنقص حقوقه=وذن الخوي عن خويه ماتجي صقها
خصٍ اليا صار طعم الدبس بشدوقه=وينكرخويه وعينه فيه يبلقها
بسلوم كل العرب شينه وممحوقه=ولاهاذي سلوم ناس ولا طرايقها
وانا معابر دروبي مابها بوقه=اطماع دنياً يبس حلقٍ تذوقها
تحد مثلي يفك الطير بسبوقه=ويجيك يمناه في يسراه يصفقها
كلٍ عرفها تخون العهد وتبوقه=مير البشر عيبها تقفي وتلحقها
احدٍ سلم شرها واحدٍ نوت عوقه=وكل المساعي قدم وجهه تغلقها
يسري يبا نوقها وتروح في نوقه=الله يمحق مطامعها ويمحقها
هاذا وكلٍ شراء وبتاع في سوقه=وسعر البضاعه عرفها من يسوقها
والناس مابين محرومه ومرزوقه=واسباب حرمانها قلت توفقها
والثانيه كل غصنٍ تنهضه سوقه=والناس لولا الشدايد صعب نفرقها
وانا غدالي مع اهل الطيب معشوقه=العام من بينا نرفع بيارقها
وجيت متعني وقلبي يدفعه شوقه=على هكالبنت واللي كان يعشقها
ولقيتها في وجيهٍ شفت مخنوقه=تبينتلي وبانتلي امنطقها
ورجعت كلي تعب والكبد محروقه=على هكالخفره الزينه وخانقها
وفي عيني الكون كله راح وش ضوقه=شهرين اراجع حساباتي وادققها
واقول لوكان مطروده وملحوقه=شكواي ماني بغير الله معلقها

اليكم هذه المشاركه واللتي اارجو ان تحوز على رضاكم وتنال اعجابكم
وهي عباره عن رد ثناء بمن يستحق الثناء بعد الله وهو
الاخ الصديق والعزيز مشل ابن حمد الجروي القحطاني

هاجسي ياهاجسي بالقليب اشوق ذيب=ماقف اللي يفعل الطيب كيف اتسيّبه
مثل هاذي ماتعداك وافهم يالبيب=من يخلي واجبه كل رجل يعيّبه
والمثل قال المجرب يشادي للطبيب=وانت من جربت بالطيب غن وحيّبه
وقل مشل ابن حمد كم لحقني منه طيب=اشهد انه من رجالٍ تسد النيّبه
وقول عذرك لو تعذرت عذرك مايخيب=خيّب الله ظن من فيك ظنه خيّبه
بس لاتحلف وانا مادخلني منك ريب=ولالحقني فيك شك واعلومك طيّبه
كل ماسويت طيب عساء حظك يطيب=والردا ماهو بحولك ولاانت قريّبه
ولاطرالي فيك طارٍ يخيب ولايصيب=كود طارٍ بالعلوم السمان الصيّبه
انت راع الاوله مانت راع ام السريب=لحيتك بالطيب من طيب ابوك مطيّبه
كد عرفتك في نهارٍ غدا فيه الصحيب=واختفتبه روس ربع(ن) نقول قريّبه
مير لابو كل راسٍ الياحتجته يغيب=كل ماحتجته غدا ليه انا ماغيّبه
وتناسا مثل هذا ولاعده قريب=وش نبي في رفقةٍ ماركتها خيّبه