ياشاعر القلطه معاد به مرقاد

محمد العمري=
الا ياللي سهرت الليل معـاد بـه مرقـاد=حصل وقت العناء بسم الله الرحمن بسم الله
الا ياشاعر القلطه نويت اهجدكـم مهجـاد=على وضح النقاء بسم الله الرحمن بسم الله
مضحي العلوي=
هلا ياواحدٍ من حرب والميعاد وسط الماد=ويومك لادناء بسم الله الرحمن بسم الله
مدام ان التفاهم صار باللي يطرق الحداد=تفاهم مابقاء بسم الله الرحمن بسـم الله
محمد العمري=
لعلك للبقاء ياللي ترحب والعلـوم اجـداد=وعينك والشقاء بسم الله الرحمن بسم الله
مادامك بالتفاهم والتفاهم شيمة الاجـواد=من النار اعتقاء بسم الله الرحمن بسم الله
مضحي العلوي=
تعيش ولاتهون الملح حذراء نقصته فالزاد=وزوده بالغذاء بسم الله الرحمن بسـم الله
ياوحد مايضم الكشف ضمن دورة الـرواد=ياكود الاذكياء بسم الله الرحمن بسـم الله
محمد العمري=
ترى كثر الزياده ياولد فيها كثيـر عنـاد=توصل للقساء بسم الله الرحمن بسـم الله
على سطح القمر وثقلها يابن الرجال شداد=ولا ترجع وراء بسم الله الرحمن بسم الله
مضحي العلوي=
يريد العبد والله في عباده فاعـلٍ مـاراد=وذكر من نساء بسم الله الرحمن بسم الله
تراء سطح القمر ماتاصله عكاسة الاسياد=كثيرين الحكاء بسم الله الرحمن بسم الله
محمد العمري=
يريد العبد مير العبد مايسلم من الصيـاد=لعب به بالهواء بسم الرحمن بسـم الله
أنا خابرك يامضحي ماتغثي على الاكبـاد=ولا لك بالخطاء بسم الله الرحمن بسم الله
مضحي العلوي=
يقولون المقدم لاومر واحد مـن الافـراد=ينفذ وان عصاء بسم الله الرحمن بسم الله
لو المخلوق يامخلوق مايسلم من النقـاد=ولو انه رقاء بسم الله الرحمن بسـم الله
محمد العمري=
يقولون العرب هاك السنيه جوكـم الاكـراد=عسى ماهو غباء بسم الله الرحمن بسم الله
وراكم ياعرب صاحين وإلا ياعـرب رقـاد=صبح مدري مساء بسم الله الرحمن بسم الله
مضحي العلوي=
تركد وافرق الهجري من التقويم بالميـلاد=وتعرف من جباء بسم الله الرحمن بسم الله
اغسطس قصته ياهل المعرفه جابها بجماد=بعد مشيه حباء بسم الله الرحمن بسم الله
محمد العمري=
فزعنا يوم شفناكم تصيح وتنشـد النشـاد=كثيرين البكاء بسم الله الرحمن بسـم الله
وهذا واجباً ياجب علينا والحقـوق اسنـاد=على جمع العداء بسم الله الرحمن بسم الله
مضحي العلوي=
نخبر اللي فزع واللي شرد يامقطر البـارد=وليش الدربكاء بسم الله الرحمن بسـم الله
عساء ربي يعز النوط الاخضر ريح الاجواد=بساحات اللقاء بسم الله الرحمن بسـم الله
محمد العمري=
جحدوا فعلنا مير العلوم اللي عليها اشهاد=ماتنطفاء بسـم الله الرحمـن بسـم الله
وردنا في حياض الحرب يوماً الدخن وقاد=ولاجانا وفاء بسم الله الرحمن بسـم الله