ابن عويض محمد ودي انه يجي

أبو حرب=
سلام تسليمةً تشبـه لصـاف الذهـب=وابن عويض محمد ودي انـه يجـي
ماهو بصياف لكنـه ونعـم الشنـب=وانا ونعم (ن) ولو ماني معيض العجي
محمد عويض=
يامرحبا وانت رجال (ن ) تسد الطلـب=ياشاعرن جاب خيله من عصر مسرجي
حنا على دربهـم أنكـان ربـي كتـب=مافيه من حرب شاعر مخطي المنهجي
ابو حرب=
في غير ميدانها شفت الكحيله تطـب=وبعض الاوادم يشجع بس وش يرتجي
لله دره غلامنـا للخطيـه شـجـب=لو كان من بعدها لحقه طلاب وهجي
محمد عويض=
خل الكحيله تشارك ياعريب النسب=اليوم بالعولمه والوضع مايزعجي
تغير الوقت يارجال واخـذ السبـب=خلف الكواريس ماندري من يروجي
ابو حرب=
ما ننقلب للقيـم لـو الزمـان انقلـب=سيبك من العولمه واللي لنـا تنتجـي
ولاكل من يلبس الاخضر من المنتخب=نوبن عدوك لبعضات الحيل يلتجـي
محمد عويض=
أثرك باقي على سلم البداوه نشـب= أسلومنا روحت ماحدن لها يرتجي
طلع شهادة عبور ورتاح فوق الكنب=سلم الدول واصلن معاد لك مخرجي
ابو حرب=
عليك في ذيك يامحمد وهذي عتـب=ان ماقدر المشـي سليـم لاتعرجـي
مخطي تشجع على الغلطه بحق العرب=لو انت بالعولمـه والعصرمتحججـي