يطلع على قمة جبل ماينزلي

محمد عويض البدراني=
بسم الله الرحمن نبدا بالسلام=واللي يبا يلعب معي لايزعلي
نبي لنا شاعر على قد المقام=يطلع على قمة جبل ماينزلي
ريان سعد الحربي=
يامرحبا واهلاٍ هلا وصحى تنام=ياشاعرٍمع الشعار مالـك حلـي
سمعت لي علمٍ وصل عقب الدوام=قالو لي انه زابنـا ابـن علـي
محمد عويض البدراني=
الارض ياريان مزروعه لغام=ولغامها يالاجودي ماينجلي
وابن علي زبن ولافيها كلام=لكن دلوه فاضيه ماتمتلـي
ريان سعد الحربي=
سولف واسولف لاحلال ولاحرام=لاكن ترى الي زبن ماهوبالاولي
ليت العرب تعتبر وتعيش بسلام=والجرب مثل الجرب لازم تنطلي
محمد عويض البدراني=
لو نحروه الصبح مثل ابو سنام=يازينها ياصاحبـي وتهولـي
لكن لجا في بيت مايقدر يظـام=يبقى عن سموم اللهيب مضللي
ريان سعد الحربي=
هذاك ذيب ولاهو مثل النعام=لاتقارن الذيب في وجه الطلي
لو انها ببو شوشه قلنا تمـام=ايهج ويدج ما يلقى له ولـي
محمد عويض البدراني=
ماجاب لك غير المشاكل والعدام=اركد شويه لاتصيـر متعجلـي
عقب ثمان اسنين قلي يا الغلاام=قلي عن الخفجي والمخرج ملي
ريان سعد الحربي=
اضحى ضحية من لايعرف الصيام=عـدو اعدايـه واسمـع مايلـي
راحت ثمان اسنين مافيها مـلاام=لايازميلـي لاعليـك ولا عـلـي