ديوان الأشجان في لحن الدان ( فواز الزويهري ) .:،’,,.:،,.:،,.:،,.:،,.:،,.

فواز الزويهري=
ترحيب باللي لفا عاني=دور على صاحبه وجاله
معروف رقمي وعنواني=مير البلا فموجة إرساله
عبد العزيز الزويهري=
عسا البقا والوفا جاني=لو فيه مافيه في احلاله
ولولاك عندي من أخواني=ماجيت أسأل وأنا في احاله
فواز الزويهري=
أعتب وأزيد العتب ثاني=وشرواك فالقلب منزاله
هيا ابتدي وهز الأغصاني =ومثلك يحاسب في مدخاله
عبد العزيز الزويهري=
في اعتابك القلب ينهاني=يعطيك ضعف الذي ناله
لكن إذا الدمع يعصاني=ياكيف يترجم عن أحواله
فواز الزويهري=
اللي تقاسيه بكاني=خلاني فحال يرثاله
والجرح فالطب لا باني=يلقى طبيبه دوا اشكاله
عبد العزيز الزويهري=
كل عام والذكرى تغشاني=ويصدمني الموج بأهواله
وأصارعه بصرخة أحزاني=ودموع الأعيان هماله
فواز الزويهري=
خابرك فالبحر رباني=والموج دايم تصداله
ياكيف ذا اليوم نشباني=وأنت الذي جاي فقباله
عبد العزيز الزويهري=
لو أملك أحساس نسياني=ما أرفعلك بصوت مواله
اللي حصل هز وجداني =والصبح يصبح على فاله
فواز الزويهري=
اللي جرى بعثر أشجاني =مثلك قليبي يبا اهلاله
أصبر وربك لنا داني=ونجني عسلنا من اجباله