محاوره بين الشاعر فهد رحيم النفيعي والشاعر بخيتان البشري

النفيعي=
سلام ردية وفاء لأهل المواقف ولسلوم = علم(ن) عليه شهود والدنيا كفا الله شرها
ودي نسولف مع بخيتان المعاني للقروم = لا شره ومنقود والـدنيا كــفا الله شرها
بخيتان=
يامرحبا والطيبة مابيننا عدل وقسوم = تاريخها موجود والدنيا كفا الله شرها
هات العلوم وعندنا تبشر بجزلات العلوم = قيود ماش قيود والدنيا كفا الله شرها
النفيعي=
دم البقا حنا شبابه كلنا قوم اللزوم = لو يقدح البارود و الدنيا كف الله شرها
علومنا نرقا الطويلة كل شهر و كل يوم = لو لاح برق رعود و الدنيا كفا الله شرهاا
بخيتان=
تاريخنا حافل من الأجداد مافترت عزوم= فالأولة ونقود والدنيا كفى الله شرها
احدن عليه حدود واحدن يافهد ماله حدود= حادي كما المحدود والدنيا كفا الله شرها
النفيعي=
نعمين فيكم و المعاني مثل ضربات السهوم = العود حك العود و الدنيا كفا الله شرهاا
بعد اختفى نجم الشعر بين الشلاوى و البقوم= ماظنتي بيعود و الدنيا كفا الله شرهاا
بخيتان=
وانتم كذلك والبحر ماينزله من لايعوم = الجود لأهل الجود والدنيا كفا الله شرها
الشعر عاش دهور قوم ن تارثه من بعد قوم = ينقص ولابه زود والدنيا كفا الله شرها
النفيعي=
صدقت في قولك و ستر الله على العالم يدوم= و الحكم لابن سعود والدنيا كفا الله شرها
الشعر ديوان العرب هاجوس يرقا للنجوم= يرقا مع أهل الفود والدنيا كفا الله شرها
بخيتان=
في وقتنا ياصاحب اسمه ومعناه معدوم = ريالك المقصود والدنيا كفا الله شرها
الشمس يحجب نورها ياصاحبي عنك الغيوم = لاهد وذا ملهود والدنيا كفا الله شرها

فهد النفيعي / بخيتان البشري
صح الله السنتكم
والتحية للجميع