الديوان الشامل للإستاذ/ محمد بن خير الله الردادي الحربي

السلام عليكم ورحمة الله وبركاته
مع التحيه والتقدير للشاعر القدير غازي مغيران الزغيبي
؟
؟
؟

انشهد انك يالزغيبي على الطيب=جبت العلوم الطيبه والعفيفه
راعي وفاء عديت قافك بترتيب=يصعب على الشعار تعمل وصيفه
من طيب اصلك دايماً وانته مصيب=ترقاء سماء ماتلتفت للمهيفه
جبت الصراحه واضحه للمعازيب=خصيت من جاب العلوم الطريفه
نزهة خلق الله عن الشك والريب=جبت العلوم الصافيه والشريفه
ربعاً لهم مقدار لاشك ميعيب=والحق كيف وكلاً ابخص بكيفه
ذيباً ولك هيبت كبار المخاليب= ترجف قلوب المرجفه والضعيفه
والحق سم ويعطب الزيف تعطيب=جاب الطيور اللي ترفرف رفيفه
تبي تحاول لكن الزايف يخيب=وقام يتخبط صايبته الشعيفه
هو مجتهد لكن على ويش ياشيب=هرجه يصفصفها يبيها صفيفه
يرمي كلاماً مثل نقب النواقيب=يبي ينتف له علوماً نتيفه
وحذر تجاري من مشى سكة العيب=مالك ومال اهل العقول الخفيفه
ودعي لربك كل مرضاناً يطيب=والضيف لو يخطي تجاوزه ضيفه
وانته اديب ووجه العلم لاديب=عفيف ودروبك دروب عفيفه
وللي نوى الفتنه ويسعى لتخريب=لاتحالفه وضن منته حليفه
هذا طلبنا ولاتخيب المطاليب=دام الشريعه في امام وخليفه

وسلامتك وسلامة الجميع
تقبلوا اجمل التحايا

السلام عليكم ورحمة الله وبركاته

؟
؟
؟

محاوله تعبر عن نفسها

؟
؟

اتمنى ان تحوز على رضاكم

من عادتي اسمع كلام الطيبين=اللي لهم بالقول قومه وقعده
ناس(ن) تحل اشكال للمتشاكلين=والحل اذا قالوه ماتلقى بعده
يعني رجال(ن) فيهم العلم الثمين=والحق منطقهم بمجده ومجده
ناس(ن) تبي الجنه وفيها طامعين=الكل يعمل لجلها في مقصده
والفرض دايم مع لفيف المسلمين=والدين مطلبهم وكلاً (ن)بجهده
غانم واحب مصادقات الغانمين=ومن يتقي ربه هنيه وسعده
طموح يازينه وحظ الطامحين=اللي بعمره كل خيراً(ن) يحصده
يعني مكاسب من يصادق خيرين=ماهمهم لا جاه والا ارصده
والعلم منهجهم ولله متقين=نفخر بهم والفخر ايضاً لبلده
وانا اطلب الله كل وقت وكل حين=ان الذنوب تزول وربي احمده

قولوا امين ولدعاء لازم امين=يغفر لنا زلاتنا اللي نعبده

وتقبلوا اجمل التحايا

ودمتم بخير

ارجو من الجميع المشاركة
الهدف جمع جميع اشعارة ومحاوراته وكسراته
في ديوان واحد وتثبيته في قسم القوافي

بحيث يكون متواجد في اعلى المتصفح واعتقد هذا قل شيء نقدمة له
رحمه الله