( مــاصــــدّق الــــكـــلاّك ) ........... مساجله

/
/
/
/
/
/
/
/
/
/
/
/
/
/
/
/



بدع الشاعر / خالد بن عبيد بن معتوق ألأحمدي

ماصـدّق الكـلاّك لويكثـر ايمـان=لنّـي عرفتـه مايجيـب الحقيقـه
انا صديق اللي على الوعد نيشـان=وراع الغدر والكذب مانـي رفيقـه
ويابن عواضه باخص الود فهمـان=من قبلنـا بالـود نشفـان ريقـه
ليتك تفيد الي مـن الـود حيـران=لامن طلب شورك بعد شاف ضيقـه
ابيات شعره وضّحت بعض ماكـان=علم العشيق اللي شكى من عشيقه
عفت المودّه من سبـب ودّ خـوّان=يوعد ويخلـف بالعهـود الوثيقـه
وماني على كيف الحلو خدر الاعيان=نفسي عنيده لـو عرفهـا شفيقـه
ولاني على قطع العلاقـات ندمـان=لو كان حبّ الزين موقـد حريقـه
ابو خـدود ٍ تزهـي بزيـن فتّـان=كنّ النحـل منهـا يجمّـع رحيقـه
عطني قرارك بعد سرّي لكـم بـان=انته توافق صاحبك فـي صديـق ؟
وان قلت لي ياخالد عبيـد غلطـان=من خبرتـك نـوّر لنـا بالطريقـه

رد الشاعر القدير / فهد عواضه المخلفي

كلٍ ترا يطـرب لمثلـه وشفقـان=حكمـه وضعهـا ربنـا بالخليقـه
ولافيه حرٍ نـادر بسـرب غربـان=ولاجاوب العير الوحـوش بنهيقـه
بالمختصر لك شان مع ذرب الايمان=طلق الحجاج مع الوجيـه الطليقـه
ماعيبـك الاقلبـك سخيـّف بطـان=قـدم الغنـوج ام اليديـن الرقيقـه
العام خبـّر فيـك مغـرم وولهـان=ومن الوله ماعـاد حملـك تطيقـه
واليـوم حمّلك الجفـا يابليـهـان=وشعار ضد العشق ضفـك فريقـه
يعني هنا نيـران وهنـاك نيـران=ياعلة ٍ قـدم الدكاتـر غميـقـه
ليا خذيت الشور ياطيـر حـوران=وصدّر قرارك مـاش شـي ٍ يعيقـه
ارفق علـى حال ٍ تبـذه مسيـان=دايـم تغوصـه بالهمـوم العميقـه
ماعاد لك بالعشق حضـن ٍ ولاشـان=دوّر لحضّك يالسنافـي طريـقـه