ليتك سترت السر بينك وبينه

أعطاني احد الزملاء قصيده وقال لي أنها لشخص يعرفه ويريدنى أن ارد عليه لأن القافيه الثانيه صعبه وهويعلم عشقي للقوافي الصعبه ولكن ماجعلني أرد هو الموضوع الذى لا أعلم ان كان خيال والا حقيقه وبكل الحالات انا لست مع هذا النهج والطرح السافر الذى ينافى الدين والاعراف والتقاليد.......

القصيدة التى أتي بها زميلي

ياعين مـن حطيـت عينـي بعينـه = وابطيت واقف في بحرعينهـا مـوج
ابحـرت فـي عينـه بليـا سفينـه=سجيت فيها ليـن ضيعنـي المـوج
حاولت الـد الشـوف عمـا يهينـه =ولا إنتبهـت الا وانـا فيـه ملبـوج
شفت الفتـن فـي ملتقـى حاجبينـه = والسحر في عينه مع الزين مدمـوج
اسـود سـواده لابستـه السكيـنـه = وابيض بياضه طايش اللون مرجوج
زاويـه طـرف ٍ حاجـز ٍ دمعتينـه = لولاه كان الخـد بالكحـل ممـزوج
كاسيـه رمـش ٍ زاد ملحـه وزينـه = من فوق متكحل ومن تحت مدعـوج
بين الرموش السود شفـت الغبينـه = واللي رماه الرمش ماعاد لـه بـوج
مرت ثوانـي مـن حياتـي ثمينـه = وأنا اتهـادى بيـن الاشـواق وأدوج
مرت وأنا قابـض علـى راحتينـه = واقف مقابل لـه وساهـي ومدلـوج
مدري وش اللي صار بينـي وبينـه = والقلب ماردنـه ضلوعـي العـوج
ولا إنتبهـت الا بسحـبـة يديـنـه = قال انت تبغى الناس تلحقني بهروج
قلت اعذر اللـي شافـك الله يعينـه= يبطي ودمعه بعـد فرقـاك مزعـوج
عينـك بنظـرات الغـلا مستهينـه = قال الغلا في داخل القلـب منسـوج
قلت الوعد قال ايـه كلـش بحينـه = الله يفتح لك مـن الضيقـه فجـوج
قلت آآه .. طيب شف لي الدرب وينه = قال انتبه باقـي علـى شفتـك روج
قلت لهـا أدري بـس لا تمسحينـه = أبقهـر بلونـه مطافيـق وعـلـوج

ردي على القصيدة السابقه

قال الذى من جد بيح كنينه=وسط الضماير هاجسي ساجني سوج
حطيت للمعنى بروج(ن) حصينه=والباب مع قفله على السر مزلوج
تلاطمت بحور نفسي سجينه=سجينتن بالصدر تبغى لها أخروج
قلت أبشري قد جاك اللي تبينه=نبي نطلعك بها فوج(ن) و فوج
أوصيتكم فى جزلها والسمينه=بقيادة اللي حافظه داخل دروج
جنا كما برق(ن) تقافا غشينه=وراحن كما خيل(ن)تطارد بلا سروج
شاعر ولاشك المعاني تدينه=قال الكلام اللي على العرف ممجوج
شعره جميل (ن) والمعاني هجينه= بعض الغزل مرفوض لو كان للزوج
كانه خيال قد تعديت عينه=وكانه حقيقي كامل الهرج مرهوج
يا اللي سترك الله كشفت الدفينه=ياراعي المعنى ترا الدرب مسهوج
مجاهره تبقى عليكم غبينه=ماهى لنا عادة خواجات وزنوج
كلن يزود ماذكرتم بحينه=يزيد بالهرجه على الخلق ويدوج
مادام راع الشأن بين خزينه=الله يعينه من على زود منتوج
كلن على ماقيل تحسب سنينه=أما تزود خيروالا على عوج
والسر عند الناس سلعه أمينه=السر خله داخل القلب ملفوج
ليتك سترت السر بينك وبينه=مهما يكون القلب بالوجد مخلوج
كلن محاسب فى كلامه ودينه=أما سقط والا أرتفع عالي بروج
وصلوا على المختار يا ذاكرينه =أخير من بعض السواليف وهروج

صحت السنتكم
والله يـعـطـيـكم الـعـافيـــــــــــة

بيض الله وجيهكم

كـــلـن يـزود مــاذكـرتـم بـــــــحيـنـه
يزيد بالهرجه عـــلى الخلـق ويـدوج

مـادام راع الشـأن بيـــــن خــــزينـه
الله يعــــينه مـن عــلـى زود منتـوج

كـــلن علـى ماقـــــيـل تحسـب سنينـه
أما تـزود خـــــــيـروالا عـــلـى عــوج

والـــسر عــــنـد النـاس سلعـه أمينـه
السر خـلـه داخـل القـــلـب مـــــلفـوج

ليتـــــك سـتـرت السـر بيـــنـك وبينـه
مهما يكـــون القلب بالوجـد مخلـوج

كــــلن محاسـب فـى كــلامـه وديــنـه
أما سقط والا أرتــــفع عالـي بـروج

وصلوا على المخــتار يـا ذاكــرينـه
أخير من بعض السواليف وهـروج

ياسلام يانادر النادر ملياررررر
شكر لك على الرد الجميل
هذا القصيد اللي نحبه ونرضاه
لك مني اجمل تحية وتقدير
تقبل مروري ودمت بخير وسعاده

الله هما صلى وسلم على نبينا وعلى اله وصحبه اجمعين

اخوي نادر النادر

ماقول غير ماشاء الله تبارك الله
والله يحفظك من كل مكروه
شاعر مبدع ولك حرف ماركه مسجله بي اسم

( نادر النادر للابداع والجزال )

يا اللي ستـرك الله كشفـت الدفينـه = ياراعي المعنى ترا الدرب مسهـوج
مجاهـره تبقـى عليكـم غبيـنـه = ماهى لنا عـادة خواجـات وزنـوج

صح لسانك مليارررررررررررر

وردك راق لي كثيراً
واصلا انا من اشد المعجبين في حرفك
لي انه حرف قوي وجزل وانا احب هذا السلوب من الشعر
لله درررررررررك

الاخوةالكرام / رابح الجحدلي و مساعد الجليدي وفايز المحيسن

صحت ابدانكم والسعد فالكم
أعتز وأتشرف بمروركم ونبيل مشاعركم وكرم أخلاقكم
سعدت وأنست بمروكم القيم وأطراءكم الثمين وردكم المرحب والمقدر عندي
طبتم وطابت أيامكم
ودمتم بحفظ من العلي القدير

بيض الله وجهك ولي عووووووووووودة تليق

بك انشاء الله

مـــدري وش الـلــي صــــار بـيـنــي وبـيـنــه=والــقـــلـــب مــــاردنــــه ضــلـــوعـــي الــــعــــوج
ولا إنـــتـــبـــهــــت الا بـــســـحــــبــــة يــــديـــــنـــــه=قـال انـت تبغـى النـاس تلحقنـي بـهـروج
قــلــت اعـــــذر الــلـــي شــافـــك الله يـعـيـنــه=يـبـطــي ودمــعـــه بــعـــد فــرقـــاك مــزعـــوج
عــيـــنـــك بـــنـــظـــرات الــــغـــــلا مـسـتـهــيــنــه=قــال الـغــلا فـــي داخـــل الـقـلـب مـنـسـوج
قــلــت الــوعــد قــــال ايـــــه كــلـــش بـحـيـنــه=الله يـفــتــح لـــــك مــــــن الـضـيــقــه فـــجـــوج
قلت آآه .. طيب شف لي الدرب وينه=قـــــال انـتــبــه بــاقـــي عــلـــى شـفــتــك روج

تبي الحقيقه انك ابدعت في تصوير الحدث
وسؤالك عن الدرب شي جميل
الله يلوم اللي يلومك ويلاه

ذكرى ذكرى ذكرى

الشاعر .القدير..نادر النادر
النِّص اللذي قدمتهُ لنا ..نص .فعلاً يطابق اسمك .نادر .
قرأت نص محبوك (حبّكة مُعلّم)
ابدعت ابدعت ابدعت ..يانادر ..عسى عمرك طويل
وصح لسانك وبيّض الله وجهك

تحياتي وتقديري

اخي نادر النادر

سلمه الله


حقيقه انني الاحظ مشاركتك دوما تاتي بمقدمات ورد على فلان
لكني هذه المره قرأت شعرا رائعا وغيرة وحميه انعم بها واكرم


صح السانك
وعلا شانك



تحيتي وتقديري

عزيزي

نادر النادر

بيض الله وجهك

ماقول الا مشاء الله عليك

لله درك لله درك