عدّ الوفا لهل الوفا دوم مورود // الى الشاعر القدير سعد المحمدي

السلام عليكم ورحمة الله وبركاته

"



ابيات مهداه لخوي مستشارنا الغالي سعد المحمدي ومبروك لملتقى حرب الرسمي لي انظمام شاعر واستاذ في الادب والشعر له من الاسم سعد المحمدي على انظمامه الى الطاقم الاداري
الرجل المناسب في المكان المناسب
واليك ياخي سعد هذي الابيات مع وافر الحترام والتقدير لشخصك الكريم

"

"

مايشيل حمّل شعيل عشرين مفرود = من وقتنا الحاظر وعصرً قديمي
مال الحمول الكايده غير صمهود = اللي يشيل الحمّل صبره عظيمي
ياهاجسي انقاء المزاين من الذود = خبري بذودك مثل ذود الطهيمي
اليا عرضت جوف المزاين لها زود = فالمركز الاول بها تستقيمي
محميةً عن كل ناقد ومنقود = مادام حرف الجزل وسمت وسيمي
عدّ الوفا لهل الوفا دوم مورود = منهم سعد يالسعد فاله حشيمي
شاعر مفوه فالميادين مشهود = له حرف عاشق للجزاله حكيمي
نعمين ياسيفً على الحق مجرود = سيفً مضاريبه بحكم الزعيمي
وسلام يالشاعر ترى اليوم مقصود = مثلك يعرف القصد ماهو غشيمي
حرً ولك منزال في عالي النود = واليوم في منزلك وضعك سليمي
باسالكم عن علّم حاظر وموجود = ونبغا الإفاده يالخوي فالصميمي
مثل( السحاب اللي معه برق ورعود) = يسقي وحيي كل عودً هشيمي
كان البخت والحظ عيا بها يجود = لآ شفت نوض البرق قلنا كريمي
ولامن تبين بيت مبني ومهدود = امهندسه مخطي وجابه حطيمي
انعاتب المخطي ونرميه فقيود = والآ نسيبه في بلدنا مقيمي

قصيدة روعه


ومبرووووووك الاستشارة







لك كل إعجااااااااابي




وتحياتي

الرجل المناسب في المكان المناسب
صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الله على الجزاله يابو ماجد
صح لسانك
مبروك للمحمدي سعد
ويستاهل القصيده والاشراف
لاهنتم

يصح لسانك يالشاعر

ولاهنت على هالشامخه

إحترااامي’,, ويستاهل

الاخ والشاعر الكبير فايز المحيسن صح لسانك وبيض الله وجهك على القصيده الجزله
ان شاء الله ياصلك الرد بالايام القادمه
تحياتي وتقديري

صح لسانك
يافايز
راس الجزيلات

ويستاهل الاشراف اخونا سعد

صح السانك يافايز
وبيض الله وجهك يستاهل ابو تركي
يعلم الله علم انه مهما يقال به انه مايوفيه حقه
وننتضر رد ابو تركي

يافايز المحيسن
صح لسانك مليون ويستاهل ابو تركي

صح السانك مليون
ويستاهل ابو تركي
وصح السانه مقدم