بنات حوا متعبات المعنا

	المشاركة الأصلية كتبت بواسطة منيره الحربي

	تضامن مع بنات حوا في هذه الابيات ارجو ان تلقا القبول عند اهل هذا المنتدى الشامخ في اهله نجبتلي قافن نضيفن محنا = يركي على كبد المعادي غلايل نضرب على الكايد وفكرالمونا = اللي يدوّر كسرنا والخمايل يوم احتمى الميقاف حنا وحنا = حنا المهار المترفات الاصايل مبطي وجزل الشعر منا يغنا = وإنشد هل التاريخ تلقا الدلايل وانطلّع المكنون لامن شحنا = ولانلتفت في قول نذلن وقايل ولاّ السنافي عزنا ماخذلنا = يقول صح االسان بنت الحمايل يومن قديم الوقت نتبع ضعنا = جل الجروم مبهلات الشمايل والضيف يلقا عزته في وطنا = لامن حداه الجوع والوقت مايل على الشرف والطيب من طيب اهلنا = بنات بدو منومسين الفعايل ونهيجن القيفان من كل فنا = ونمدح قرومن كاسبين النفايل واليوم زان الوقت بالزين زنا = مع الادب نبدع جديد المثايل وعلى سلوم اجدودنا في عملنا = حنا تربينا بزين الفضايل بنات حوا متعبات المعنا = اللي خذن الطيب قول وصمايل

منيرة الحربي

قصيدة يظهر عليها طابع التمكن من قياد الكلمة والمعنى

واختيار للقافية وسهولة المفردة

يحلو التغني بها لجمال وقعها

صح لسانك ملاااايين ودام عزك وبيانك

وعافاك الله ورعاك