انا ابغى بن جمران كان هوهنا

	المشاركة الأصلية كتبت بواسطة السبّاح

	اشكرك يابن جمران شكرا جزيلا على ترحيبك وشهادتك وكلامك الطيب والله انك شاعر ومن حمولة لها قيمة واعتبار انت كريم وشهم وخلوق لاهنت يارجل بارك الله فيك

لاهنت لاهنت لاهنت يالسباح ولاعليك زود يالوافي وانا الكسبان الاول بمعرفتك ومجاراتك واشكرك جزيل الشكر على سعة صدرك وكريم اخلاقك واعود وارحب بشخصك الكريم في ملتقاك والجميع يتشرف ويفخر بتواجدك ضمن كوكبة هذا الصرح الشامخ ومليار هلا بشخصك العزيز

السباح

صح السانك ولسان ابو حمد
محاوره ممتعه
عمالقه من الوزن الثقيل

اول شئ مقبول سعيكم ومن العايين عقب الزحمة انا توي اجي بعد العيد

ثانيا ماشاء الله عليكم كلكم ماقصرتم في بعضكم وامتعتم الجمهور وكسبنا شاعر رائع نتمنى تواجده الدائم هنا والله يحييك يالسباح

وتقبلواوافر التقدير والاحترام

الله لايهينك يالفريدي كلامك طيب وعلمك غانم وانا معكم ان شاء الله

السباح=
بعد جاكم السباح ردوا علـى السبّـاح=عسى مضحي الجمران ياقف على حيله
ابا اجاهد التمساح لين اقضب التمساح=وابا اخدره واقص شبرين مـن ذيلـه
مضحي بن جمران=
بعد ماوصلنا منهك الحيل قلنا ارتاح=لرد النسم يجيب جملـة تهاويلـه
ودور على صيدتك فالبر ياسـداح=ابو عكرتٍ حرشاء تنصا مداهيلـه
السباح=
مزحنا مع المجنون بالهرج لكن صاح=اثر مضحي الجمران مجنون ياحليله
يبلحق اعيونه يحسب اني رجل سفاح=ومادامه بدا بالعنف والخبث ياويلـه
مضحي بن جمران=
وحنا ترانا نعرف الرازح المـزاح=يبي يصرع الفارس ولافي يده حيله
عوافي وندري مانت ساطي ولاذباح=ومثلك لمنه ضاق يومـي بمنديلـه
السباح=
انا ابا انصحك لله لاتقطـع المسبـاح=تراني احجازي ماقدر اصبر على الميله
اسام مثـل سـداح والامثـل طـراح=اسامي كلاب ووش يحدك على العيلـه
مضحي بن جمران=
انا من هل البل وانصح الزارع الفلاح=لعل النصيحه تنفعه فـي محاصيلـه
علامك تضايق ياعميلي وصدرك فاح=لمن يشكي اللـي جودنـه محابيلـه
السباح=
عسى راعي البل يوم يسرح بها مصلاح=ويفتّح عيونه كلمـا شـاف لـه زيلـه
لكن البلا كان انـت ماتبعـد المسـراح=وليا شفت لك خيال تبكي وتدعـي لـه
مضحي بن جمران=
تروم الحيا لمن برق الوسيمه لاح=جملها بظله مستظلـه مخاليلـه
وخبر بها الشاوي لمنه بيدنا طاح=حرامٍ يغز الزقم مادمت صاحيلـه
السباح=
انا مستح من حرب لكن جملهـم طـاح=واذا طاح من ضربة عصا وش اسوي له
مار المعذره عطيتـه القفـل والمفتـاح=ولعله بعد ماغـاب يرجـع لنـا الليلـه
مضحي بن جمران=
دريت وعرفت ان الجمل مانت له نطاح=بعد ماعبطك تجفلـك شوفـت الزيلـه
ولاهمه القعود لوكان جـاء وان راح=عماني من القعدان والميل في شيلـه
السباح=
احسب ان مضحي راح واثره هنا ماراح=يقاوم صوابه مار ابا اعطيـه تكميلـه
نوينـا نزيـده جـلـد يالله يافـتـاح=وليا مات نبغـى واحـد يقـدر يشيلـه
مضحي بن جمران=
ليا حضرة المجروح متواجد الجراح=لكن المصيبه دمكـم بعـد تحليلـه
وبه علةٍ ماتقبل الشرح والايضـاح=ومن علة السباح كثـرت بهاذيلـه
السباح=
انا ليا حللت دمـي تشـوف اشبـاح=تخلي مثل مضحـي يكسـر فناجيلـه
وانا علتي من فضل ربي رضا وافراح=وليا شفت لي مجنون جودت تكبيلـه
مضحي بن جمران=
كسبنا لنا طيرٍ وحش جابه الملـواح=مثل طير ابن برمان من بعد تحويله
صراحه مخاليبه كريمه ماهي بشحاح=وضوى علينا صيدةٍ شـر ومهيلـه

صحت السنتكم

شعار كبار ما فيه كلام

صحت السنتكم وبيض الله وجيهكم

محاورة رائعة وشعراء رائعين

الله يعافيكم محاوره حلوه وممتعه

وحتى هذي والله تستحق التمييز

صحت السنتكم وبيض الله وجيهكم ودام عزكم