أبتدى لليل القصيد وهاجسي دنت رعوده " خلوهأ"

الطوفان=
أبتدى لليل القصيد وهاجسي دنـت رعـوده=ويأهل الشعرأحضرو فالوعد دام الوعد حاني
الشعرتال الزمن ماحدٍ تمسـك فـي بنـوده=صار للفنان مكسب بعـد ماغنـاه أغانـي
فواز الزويهري=
أبتدى حرف الثماين والنقا منهـو يـروده=والثمينة حظ منهو جابهـا تـال الزمانـي
ياحروفـي جملينـي للمغنـي دنَ عـوده=كلمة الشاعر في هذا الوقت والله المستعاني
الطوفان=
الثمينه وزعت الوافي وكل جيد وجـوده=يفعل الرجال ماجوده واله فعـلٍ يبانـي
مايدن العود غير المطرب اللي مع زيوده=وكلمة الشعر ثمينه يامفسرت المعانـي
فواز الزويهري=
فكرك الماضي تغير شوف فكرك في لحوده=والزمان اللي نعيشه كـل علمـه شقلبانـي
قيمة الشاعر في هذا الوقت كم تبلغ نقـوده=مايهـم اللـي يقولـه المهـم إنـه فلانـي
الطوفان=
الخطا منا ترانـا والسبـب حنـا حشـوده=والتغير صار فينا ليـن ماصرنـا نعانـي
صارت اليومه نقوده هي سبب فخره وزوده=والمساوي ياكثرها والت ايـام الحسانـي
فواز الزويهري=
اسمع العلم الوكيد العلم باقي في حـدوده=لايغرك بعض مابـث القمـر للبهلوانـي
روح دور للقصيدة مثل راعي ضاع ذوده=وأقصد ديار الرجال اللي لهم عرف وبياني
الطوفان=
مايغرالطيب راع الطيب يعلم في وروده=يعرف الجيد تراه وماجهل حلو السانـي
والقصيد الجزل يافواز احضر لك شهوده=وان نويت اترجمه بالنقليزي في ثواني
فواز الزويهري=
كل شارب له دسوم... وكل بيتٍ من عموده=والسبق ما فاز به غير اللذي جده حصانـي
ياحسين الطبع ياللي قام يحشد في جنـوده=مانشدنا عنـك لوبيتـك تجيبـه تركمانـي