يلحق بها خال امها الظفران ويلحق خالها 000000000000000000000000

طلال المعبدي=
والأولة لآهل المثل والقول يبراه العمـل =ماني قبيل ألا الرجال اللي تعز اسبالهـا
راعي العزوم السامية الرجل لا قال وفعل =يلحق بها خال امها الظفران ويلحق خالها
محمد العمري=
الاوله لاهل الاوائل ويش عندك يابطل =و كان عندك علم سج الخيل ياخيالها
أطلع على نجد العذيه يالحجازي بالدبل =والا تريح بالحجاز ورعا الغنم بجبالها
طلال المعبدي=
الاوله تبغا الصحيح انته هنا مالك محل =الواجب انك في حدا الصفين تحما مالها
الحق مايرضي ثنين أصحا تلوى بالدول =حنا الجبال الراسية تفنا دول وأبقالهـا
محمد العمري=
الثانيه روح ولا تاقف على درب الجمـل =ترى الجمال الى هدرت حطتك بين حثالها
ويش انت ياللي جيتنا تومي براسك ياوحل =قدمك رجالً فالهـا تاكلـك قبـل عقالهـا
طلال المعبدي=
أنا أدري إن القيده اليا وقـف تِقـف الزمـل =وللغفل خوصه فالنحر خـط الله إبـلا فالهـا
أنت تبا المفتاح ولا انتـه تبـا تقعـد قفـل =وإن كان عندك من عداية ناس فأنت إصحالها
محمد العمري=
اِثرك ماعندك ذخيره مـاوراك اِلا الفشـل =وانته ليا جات المعارك طحت ماتقوالهـا
الليل ضلما واخره لابد مـا يدبـي نمـل =وليا بدا ضوء النهار جاها الهوى وشتالها
طلال المعبدي =
يالوحة ارشاد النفق ياللي تجي تحت الجبل =وان سال سيل من الجبل أول يدسم فالهـا
مايخطي الحناش في جرة شعيل من الوعل =وانته تفك أبواب ويحفـل عليـك أقفالهـا
محمد العمري=
لا والله لا تو ما غديت من كثر الجهل =واجبك مع أم العيال اللي تجيب عيالها
اثرك تقبل بالعلوم اللي لها ماحدن قبل =غديت مثل اللي تبي واحد يمشي حالها
طلال المعبدي=
إلامتى وأهل المثل تتعب على شان المثل =ياللي ماهمه ألا واجب حرمته وقبالهـا
من اول الطرقه جملنا مايلٍ فوقه عـدل =واليومه مالت به ترى العدلين ياجمالهـا
محمد العمري =
موترك يمشي مير في بطنـه عطـل =أكلتها بين الكلا ومابين حتى اطحالها
مادام ياجمال تجطل كل يومه بالجطل =مالت عليك حمول مانته عارفاً تشتالها