لي على مضحي الجمران دعوى كبيره

سعد المحمدي=
لي على مضحي الجمران دعوىكبيره=والدعاوي مع الاصحاب فيها طرافـه
يوم جنه بنات اشعيل داخل حجيـره=اعتبرهن عريب الجـد جنـه لقافـه
مضحي بن جمران=
قبل ماتقدم الدعوى الإيلاه استخيره=ياسعد راقب اللي كل مسلم يخافـه
صح وردن ولا وردن على جال بيره=ولاتدين الرجل يكود بعـد اعترافـه
سعد المحمدي=
نحمد الله على المله يامـال الستيـره=ماندور على الفقري وناخـذ لحافـه
دنت نفسك يامضحي مستشار العشيره=تعترف ثم تنكر ونشرتها الصحافـه
مضحي بن جمران=
ياسعد بعد ماجتني خيولك مغيـره=اتصدى لها لو سببت لـي كلافـه
دنتني في كلام العالم المستطيـره=ياحسافه على بعض البشر ياحسافه
سعد المحمدي=
جاتك بخير ياراع السيوف الشطيـره=خانك الصانتي في حسب بعض المسافه
يابو احمد زميلك ليه خالفـت سيـره=الطريـق المعبـد لاتعـدى كتـافـه
مضحي بن جمران=
والله اني اعد اللي سواتك ذخيـره=بس لخمتك عنـزك قليـل مرافـه
كل رجال يشعب يالسنافـي بعيـره=لين يترك جموع اهل الركايب خلافه
سعد المحمدي=
وانت برضه حزامي باليال العسيـره=نهمل العجز مانبغى يطـول انعطافـه
طال عمرك على التقوى يامال الستيره=يوم صافاك راع الحق يالقرم صافـه
مضحي بن جمران=
له يمينٍ عن الطولات ماهي قصيـره=ابو تركي عساء سهوم المنايا تعافه
نشكر اللي يحكم يالنشامـا ضميـره=في جنيه الذهب يعتز سوق الصرافه