المهجرس ولد صياح ابن مرزوق

قبل مده تبا الاسرار بالصندوق=كيف عودت تنشدني وانا ناسي
صلحةٍ ماتجي لين المزاج يروق=عرضوها يابن جمران الاطعاسي

لو صندوقكم باللي حوا مغلوق=دبسكم ماطمع به كل لحاسي
ماعلينا وبرقا ماتزعل روق=وطيروها هواء مع كل نسناسي

كان هزك على بعض العلوم الشوق=لايهزك تهوز الشامخ الراسي
دبسنا حافظينه عن جميع اشدوق=دونه اشدوق راع اللحس يباسي

وش جراء ياصحيبي ضايقٍ مزنوق=شايفك تضرب الاخماس بسداسي
شاطرين البدو فالطق والمطقوق=بدو رجالهم للشر دباسي

كل ليله يابن جمران كسبك نوق=غير ليلتك هاذي عل ماباسي
لانقضي فشقنا في طلب غرنوق=وصيدته ماتنومس راسك وراسي

تسلمون على هالطاروق الرائع

بس وش قصتك واالاخ بدر صفوق=يوم كـلٍ يحـد السيـف عباسـي

دون ذكر البلاوي حسٌن المنطـوق=ما انت مكلوف يابن الناس بالناسي

	المشاركة الأصلية كتبت بواسطة سالم العرم

	تسلمون على هالطاروق الرائع بس وش قصتك واالاخ بدر صفوق=يوم كـلٍ يحـد السيـف عباسـي دون ذكر البلاوي حسٌن المنطـوق=ما انت مكلوف يابن الناس بالناسي

سلمت ودمت يابو خالد ولاتهون ولاعليك زود والاروع والاجزل هو مرورك النير وتواجدك بيض الله وجهك

تحسب البيت بس بصفت الطابوق=قايمٍ بالعمد مع طيب الساسي
ماتفيدك علومك راكبتك حقوق= لو سكت صاحبك رجال حساسي