ديوان الشاعر(علي بن عيد البشري)

البد/ قابل البشري =
يامن لكم فا لمثل طوله = ورسم المعاني يترجمها
سلام باخذ معك جوله = بحروف الابداع نرسمها
الرد/ ابوعيد =
ارقى العبارات مرسوله = بجزل المعاني موسمها
يامرحبا حي ما تقوله = استاذ وانته تقدمها
قابل البشري =
يادارس القيل بوصوله = وحرف الامثال تحكمها
اشكي لكم حال مفعوله = عيني النوم حارمها
ابوعيد =
القيل نوفيه بكموله = نحكم حروفه ونبرمها
لاباس شكواك محلوله = وش احرم العين والمها
قابل البشري =
بعطيك رمزه ومدلوله = والناس ماني معلمها
ماغاب عن خاطري زوله = وروحي بوده متيمها
ابوعيد =
اللي له الروح مشغوله = ومتيمه في نسايمها
ياهل ترى الدرب لوصوله = سهله عليكم معالمها
قابل البشري =
يامصعب الدرب ياطوله = عليه حامت حوايمها
نمشي ولانهاب مجهوله = ولا القضيه نسلمها
ابوعيد =
الدرب دورعلى سهوله = واصعابها لاتلا يمها
قبل أتفاجاء بمحصوله = سيس القضيه ونظمها
قابل البشري =
ذا علم مانختلف حوله = وانجات فرصه بنغنمها
وانت نصيحتك مقبوله = ماخاب من هو تفهمها