ديوان الشاعر(علي بن عيد البشري)

علي عيد البيشري =
سلام من رحبه يسلم = عساه سالم وفاله طيب
وانا اعرف العارفه يلهم = للعلم يأخذ معي ويجيب
البيرق المنصور =
يـامـرحـبــا فـــيـــك يـامـســلــم = اهدي لك الطيب والترحيـب
وقلي عسى خير يابن العم = قـدام شمـس النهـار تغـيـب
علي عيد البشري =
عسى البقى يالوفي ونعم = يامحسن الحرف بالترتيب
الكيف عانا الاسى من كم = مردودها في حياتي شيب
البيرق المنصور =
حـشـى وكــلا واقـولـك لـــم = عليك ما ازيـد فالتحسيـب
ولا بـــد مـالـلأسـاوي جــــم = احيان يقفي وساع يجيب
علي عيد البشري =
مانختلف ياوسيع الفهم = انته وانا للهدف بنصيب
هيا استمع فالذي مهتم = محتار فالبعد والتقريب
البيرق المنصور =
اخـــــوك مــاجـــاك يـتـفـلـهــم = ولاتصعب المسئله تصعيب
ومـــن لا يــشــاور ويـتـقــدم = يصبـح ضحيـات للتصـويـب
علي عيد البشري =
اخوك للصايبه ملهم = مايميل للي عليه تعيب
لكن من حظي المعدم = كل ماسعينا وراه يخيب
البيرق المنصور =
هــــذا الــزمــن عـنـبــر وعـلـقــم = وانته تعـرف النصيـب يصيـب
مــاعــنـــه مـــحــــوال لــوتــلــتــم = كـامـل جـيــوش الـبـلـد يـاذيــب
واحــذر مــن الـواشـي الاظـلــم = الـلـي مايقـنـع عــن التـخـريـب
مـــــن بـعــدهــا لــلأمـــر تـغــنــم = وماتعيش في منتهى التعذيب