سلام كلمه بناها الحرف....أستادي القدير ناظم الحرف فريج ابو مديده

ســلام كلـمـه بنـاهـا الـحـرف = فالبـيـت وصـفــه ومـقـصـوده
خـال المـزن للمعانـي عـرف = يــاســـادة الـقــيــل وشــهـــوده
فــــــــريـــــــــج ابـــــومــــــديــــــده=
ترحيب و اشواق ما توصف = للحـرف واللـي غـرس عــوده
انا اشهد إن الأدب ما جـف = و بــوارقــه تـســبــق رعـــــوده
أبن وازن =
ياكتف تسلم لاخوك الكتـف = وتبقـى علـى الخيـر وتقـوده
بعد أنقسام الجسم بالنصف = يشكـى مـن القـلـب ولـهـوده
فريج ابو مديده =
خطوة بخطوة و كف بكف = درب الـوفــا دايــــم نــــروده
الجسم إليا انقسم يضعف = و يُمنى بلا يسار منقـوده
أبن وازن =
الظن صاب العيون بكسف = حتي البصر قصر حدوده
وعقلي يمد الفكر ويكف = من التعب ارض ممدوده
فريج ابو مديده =
الـعـاقـل يـسـايـس الـمـوقـف = و يمشي على قد مجهـوده
و انته رجل عاقل و تعرف = كل من زرع نـال محصـوده
أبن وازن =
خط القلم والمعاني بصف = اللى زرع ذقت منجوده
والحرف وجه أمام وخلف = عكس الذى جاك مردوده

	المشاركة الأصلية كتبت بواسطة أبن وازن

	أبن وازن = خط القلم والمعاني بصف = اللى زرع ذقت منجوده والحرف وجه أمام وخلف = عكس الذى جاك مردوده

اليك اخي العزيز طارق المردود الاخير مع التحيه من اخوك فريج ابومديده ويعتدر لانشغاله

جاك الحكم وانت تستئنف = و تنقض بنا القول و بنوده
انا اعرف انه امر مجحف = لا صارت الدرب مسدوده
لكن وانا اخوك لا تكلف = دام المواثيق موجوده
ما بين قسوة و رقة عطف = يزهر لك الوقت بوروده

ويقول لك اخوك فريج
الى اللقاء في محاورات اخرى

	المشاركة الأصلية كتبت بواسطة جيد الساس

	اليك اخي العزيز طارق المردود الاخير مع التحيه من اخوك فريج ابومديده ويعتدر لانشغاله جاك الحكم وانت تستئنف = و تنقض بنا القول و بنوده انا اعرف انه امر مجحف = لا صارت الدرب مسدوده لكن وانا اخوك لا تكلف = دام المواثيق موجوده ما بين قسوة و رقة عطف = يزهر لك الوقت بوروده ويقول لك اخوك فريج الى اللقاء في محاورات اخرى

الاخ جيد الساس
بيض الله وجهك على النقل يالغالي
ودام عزك وشرفنا مرورك الكريم