مصافحه غزليه / ( يمنع دخول الشيبان )

	المشاركة الأصلية كتبت بواسطة مضحي بن جمران

	الله يسامحك يالسهم ليه سويت علينا حضر طال عمرك اسمع الهواء والعشق مابيقى وسيله=كل شيٍ زاد عن حده سماجه مع مدلهة الخوي مخلي سبيله=يالسهم معادلي بالعشق حاجه دام عندي بنت ناسٍ لي حليله=كيف اهاوي غيرها مثل الخواجه ومع هذا صح الله لسان الناقل والقايل ولاهنت ياسهمنا الذهبي (والزين مثل الحيا متبوع =لو ماتلا الناس يتلونه والشين مثل المحل مقطوع= يمشون حتى ايتعدونه )

شاعرنا السهم الله يسامح على قول شاعرنا الكبير مضحي بن جمران
يقول المثل مايعقلها الاشايب وانا بين الشباب والشيبان بالعمر واعتبر نفسي شايب
ويقول الزلامي
اليا جهلت انشد من الناس شايب =عودن نواصي حجته كلها شيب
مجاراه لشاعرنا الكبير مضحي بن جمران

السهم عداء على راس الطويله= لرماه اصبح على العالي مواجه
ان سمع صوت الرمي يرفع شليله= لو نبي نرميه يعمينا عجاجه
صابه اللي يفلج المخطي دليله=مضحي الجمران عكر له مزاجه
مايوصل راعي الطرقه صميله= دام جلده يشبه لجلد الدجاجه
بازناد ان شب في راس الفتيله=كل جرحٍ عندنا يوجد علاجه