قصه غريبه بين مزحن وجدي

ما كل جرحن ينعرفله مداوي = جرحن يطيب وجرح لاطاب رديّ
لآ ناحت الورقا بعذب الغناوي = القلب مسرع والهوى مايهديّ
ثم هيجت قلبن في صدر الهواوي = يعبر بحور الود لو ماستعديّ
مادام ذيب الشوق فالصدر عاوي = ماقوتن فوق البصيطه ترديّ
ياصل قبل لا يفوت وقت الحراوي = من قبل طرف العين ترجع تلديّ
يم الدروب اللي تجيب النداوي = اللي على فوج الحباري يهديّ
من بعد صار الحرف والقلب هاوي = غنأ قصايد فالغزل ما تعديّ
بحساس نابع من بحور المراوي = العشق فيه جنون لن كان جِديّ
وردن من الطايف وسيف الغزاوي = ويحوفها بحرين وشلون اعديّ
من دون انوش الجمر والبدر ضاوي = ناشر سواد اليل من فوق يديّ
في ليلتن قالو قصص فالحكاوي = القلب أعلن قال محدن بقديّ
يردح فليل العيد عاشق خلاوي = مغرم متيم والرسايل توديّ
وكاتم على وده وشاف البلاوي = وأن زاد مآبه حطها في تحديّ
وكل ماتحدى كاسبه بالعزاوي = ذخر الحمايل مايبيح لسديّ
لآ كاشفن عشقه ولا كان ناوي = من خوف خله مايبادله وديّ
لاكن في هذا اليوم يكشف غطاوي = عن بحر جوف صدر بالحيل مديّ
ماهو ترى لعبن ولاهو لهاوي = أكبر خطر لا زاد فالود حديّ
يرسل لنا شوقن مايرحم و ياوي = صلب الحنايا العوج تنهد هديّ
من جرح ناش القب بالحيل كاوي = ياهل ترى من جهل ولآ تعديّ
يومن جرحت القلب ولاله خطاوي = وخليت حاله من ترديّ لترديّ
أن كان جاهل ويش فالقلب حاوي = ود(ن) لكم كل يوم يشتد شديّ
يالين توجكم بي بشت الاحساوي = وعينتكم شيخن وأمرك مبديّ
الأرض أرضك والسماء لك سماوي = يامرحبا وهلين ارقى وعديّ
انت القمر من حولك النجم هاوي = لنّك في قلبي مالك اليوم نّديّ
ولالك بعد فالصدر احدن يخاوي = ساكن في مزنن وبلها فوق خديّ
مسموح من خاطر وقلب الاشقاوي = باب العتب عذرك ترى له يسديّ
وأن كان متعديّ تراني غناوي = والله لنساكم وغصبن تشديّ
لو كان ودك طاوي القلب طاوي = لاجّدكم مثل القناوي تجّديّ
ولابد مالقاء لجرحكم من يداوي = يطيب ولايرجع بعدها يرديّ
ياهيه انا ماني بي قد الشهاوي = حربي ولد حربي معرّب لجديّ
وقت الغزاوي ماغزانا الاعطاوي = لنه يعّرف أنأ على الظد ظديّ
وهذي حكاوي من مصادر وراوي = قصه غريبه بين مزحن وجديّ
بنيت صدر البيت بحروف ( اوي ) = والعجز مبني (دآل) و(الياء) (بشديّ)
وختامها ماني ترى عنك غاوي = لابد تعرف ويش مغزات قصديّ
وان كان ماتعلم على ايش الدعاوي = لآ والله الآ ضاع حرفي وجهديّ

رائعه جدااااا
يافايز
صح لسانك
لي عوده لتلك الشامخه

سلمت يمناك يابو ماجد
قصيده جداً رائعه
صح لسانك شاعرنا فايز المحيسن
قصيده جزله من شاعرنا جزل
لاهنت

	المشاركة الأصلية كتبت بواسطة عيسى العوفي

	رائعه جدااااا يافايز صح لسانك لي عوده لتلك الشامخه

هلا وغلا اخوي عيسى العوفي

وصح بدنك وانا في انتضار عودتك

ولي الشرف ياغالي

رائعه جدااااا
يافايز
صح لسانك وبيض الله وجهك يالنشمي

لك خالص التقدير

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة سعودية

	سلمت يمناك يابو ماجد قصيده جداً رائعه صح لسانك شاعرنا فايز المحيسن قصيده جزله من شاعرنا جزل لاهنت

صح بدنك شاعرتنا الرائعه سعوديه

وشكرا على مرورك الرائع اللي اثلج صدري

الشاعر فايز المعبدي صح لسانك
تحياتي وتقديري

رائعه جدااااا
يافايز
صح لسانك وبيض الله وجهك يالنشمي

	المشاركة الأصلية كتبت بواسطة فواز الزويهري

	رائعه جدااااا يافايز صح لسانك وبيض الله وجهك يالنشمي لك خالص التقدير

وصح بدنك اخوي فواز

وشكرا على المرور الرائع