أقرب يامضحي يابن جمران "خلوها"

الطوفان

عد همال السحاب بكل دار وكل ديره=ياسلام الله عليكم يالحروب أول وتالي
يعلم الله مايخفيه البنادم في ضميـره=والبنادم كان قدم خير تال الوقت تالي

مضحي بن جمران

مرحباً ترحيبتن والعود الازرق من عبيـره=بالنيابه عن ربوعي حرب الاقصى والموالي
دون شك وكل مخلوقٍ وله طبـعٍ وسيـره=وله كتابٍ باليميـن يمـد وإلا بالشمالـي

الطوفان

البقا بك وأنت يامضحي ترى شباب نيره=تفهم أنته فالمعاني وأشهد أنك رجل غالي
كل طيب دايم أيخاوي رياجيـلٍ سفيـره=والبلا فالي يغش الناس ياولـد الحلالـي

مضحي بن جمران

مابها هرجه نعز اللي بهم نخـوه وغيـره=ومن تشوفه سبع شافك من زحازيح الرجالي
لاتسلحنا السـلاح اللـي يعدونـه ذخيـره=الهبايب ماتهـز الراسيـات مـن الجبالـي

الطوفان

عزك الله ياطويل العمر عـلام السريـره=والرجل يذكر بفعل الطيب والله خير والي
فكربنفسك وغيرك كان لك بصر وبصيره=لاتحد الشوف ناظر ما تخفيـه الليالـي

مضحي بن جمران

انت شاعر ماعليك غبار لكن العشيره=لو تعرف باسمها كامل ولله الكمالـي
االثناء والشكر للي مالنا معبود غيره=والليالي غيبهن يخفى ولافيها جدالي

الطوفان

الشهاده وافيه تشكـر عليهـا يالمغيـره=والعشيره من هل الهيلا واوفين الخصالي
وماعبدنا غير خالقنا ماحد غيره يجيـره=يوم تذهل نفس من ترضع والدها والعيالي

مضحي بن جمران

ماتهون ولاتهون عتيبه الهيلا الشهيـره=فالعلوم الوافيه عتابان مضرب للمثالـي
ابشر ان الطايله من حظ من عينه سهيره=في سبيل الله وغالي دمعها لرضاه سالي