من السهر كني مروج وحشاش

أرجوك لاتنشد تـرى حالتـي مـاش&&
والصدر ضايق والمحانـي معاطيـش

ومن السهر كني مـروج وحشـاش&&
لاتنشد السهران ,,لاتقول لـه ليـش

والراس من كثر الهواجيس منـداش&&
وانا اعلاجـي بالسفـر والمطاريـش

لاوهني اللي شـرا الجيـب بالكـاش&&
فكـه وكالـه ماركبـوه الدراويـش

وسجه شمـال ودع الـدار وانحـاش&&
انحاش من بعض الظروف المعاشيش

يللي على بعـض المعاليـق تعتـاش&&
وترث على فكر الفهيـدي بتشويـش

والقلب يشكي والصدرغرفـة انعـاش&&
وبعض الجروح اعلاجها اليوم تطنيش

لا الطب ينفعنـي ولا ينفـع الشـاش&&
ماتنفع الجنحان لـو مابهـا ريـش

ببعد عن وجيـه المذلـه والأوبـاش&&
اهل النمايـم والحكـي والعراميـش

وابعد عن المسكين والنـذل والـلاش&&
مالـي ومالـك يازمـان الخفافيـش

ومدام في يمنـاي محـزم ورشـاش&&
برجيك يامنشي المـزون المراهيـش

تروي مطايانا عقب ماهـي اعطـاش&&
عقب الضما والقيض تروى المعاطيش

صح لسانك مليون على القصيده
والله يعطيك العافيه
بيض الله وجهك

يعطيك العافية وبارك الله فيك

جزلة من راس جزل

لاعدمناك وعناية الرب ترعاك

صح لسانك
والله يعطيك العافيه
بيض الله وجهك


قصيدة مميزة

[table1="width:95%;"]

الشاعر متعب الفهيدي صح لسانك وعتلا شانك
قصيده جزله من شاعر جزل

صح لسانك وسلم بنانك



قصيدة رائعه بروعة حضورك



لك تقديري

صح لسانك وعلاشانك
قصيده حيل جميله
ربي يعطيك العافيه
دمت بخير

	المشاركة الأصلية كتبت بواسطة رابح الجحدلي

	صح لسانك مليون على القصيده والله يعطيك العافيه بيض الله وجهك

صح بدنك اخوي رابح ,,,,

والله يعافيك ويطول عمرك

انشهد انك جزل وتصوغها صوغ

صح لسانك وعسى الله يسويها وتشتري الجيب وتسج