لا والله إلاّ اتنكست .....................

	المشاركة الأصلية كتبت بواسطة حفيد الحجيري

	لا والله إلّا اتنكست و الذيب بدّل بالحصين=وضباعها قامت تداحم بالجنوب ذيابها من بعد هذيك السنين اليوم تتلاها سنين=ساوت ثريّتها العليّه بالثرى و ترابها وكبارها صاروا فتدبير الصغار الناشيين=اللي ما تعرف من مخطيّها و منهو صابها اللي يحسبون اليمين يسار و اليسرى يمين=اللي تواجدها بوقت الجدّ مثل غيابها اللي تهزّ بروسها في غثّ و ألّا في سمين=مثل الذلول الذاهبه تومي بعوج رقابها اليوم صاروا يا ما شا الله كل ابوهم فاهمين=ومتوكّلين آمور فيه من الرجال أولى بها يفنّدون الناس حسب أهواءهم زيناً و شين=ويقيّمون بكيفهم قوم اللحى و أشنابها حتى دِيَرنا قسّموها حسب ما هم مشتهين=أحْدْ من أهلها حاسبينه و أحْدْ ضمن أجنابها ما يعلمون إنّا هل الديره على قسوه و لين=بالروح نحماها و نفدي بالنفيس ترابها وقت الله الله فالشدايد و اللوازم حاضرين=من دون ديرتنا دروع ولا تهزّ أطنابها يالله يا ربي على بقعا و ما فيها تعين=و تستر على اللي ما تغطيها طويل ثيابها هذا و صلّوا واكثروا صلاتكم على الأمين=عداد نوّاً هلّ فوق سهولها و هضابها وسلامتكم

الله 00الله

ابداع يابو علي

صح لسانك ورفع الله قدرك وشانك