أقرب يامضحي حياك الله "

الطوفان

سلام سلام يأهـل الطيـب والجـود=عداد مـا سـال سيـل بكـل وادي
جينا نبا علم زيـن وعـود كمبـود=وأنته تعرف البياض (ا) من السوادي

مضحي بن جمران

ارحب تراحيب جزله تملك الزود=من عز وشعارها بالود بـادي
حياك واللي تبي يالقرم موجود=الله يبلغك قصـدك والمـرادي

الطوفان

الله يبقيـك دايـم ذخـر للعـود=والجيد ايضاً ترى بالفعل جـادي
وقصدي مايجهله لاحميد والاحمود=ويا باغي الخير خيرك خير زادي

مضحي بن جمران

لاهنت لاهنت بين البيض والسود=ويجعلنا مانحيد اعـن المبـادي
الدرب ماهو بوجه العبد مسـدود=اللي يجاوب لياسمـع المنـادي

الطوفان

من عاش بلا مبادي غير مفقـود=لوقالو الناس تاجـر واستفـادي
والدرب واضح وقدمك صار ممهود=لكـن خلـك فطيـنٍ لـلااعـادي

مضحي بن جمران

انكان في الطيبه بذلـة مجهـود=تفوز ياعاشق الـدرب السنـادي
مايسلك الدرب الايسر غير مقرود=والنفس وبليس يلزمهم جهـادي

الطوفان

الطيبه مكسب اللي يكسب الذود=عاشق تراه المراجل بزتيـادي
والنفس وبليس سبت كل منقود=والهادي الله يهـدي للرشـادي

مضحي بن جمران

لابالله اللي باول صف مشهـود=هذاهو الصح واالعلم الوكـادي
الفانيه فانيه والعمـر محـدود=ومن لايحسب لاهاك اليوم غادي

الطوفان

كل شيء اله في حياتك يوم موعود=في شهر شوال والا فـي جمـادي
ونهاية الأادمي فـي قبـر ملحـود=أن كان من حضر والا من بـوادي

مضحي بن جمران

حمل الجمل مايشيله كـل مفـرود=غيـر الجمـل للثقيلـه مايقـادي
ماهي نهايه بعـد ناشـد ومنشـود=تلحق راع السجن والسجن انفرادي

الطوفان

لا تحسب أن الطريق امهود واسهـود=يبا يطيـح الجمـل هـو والعتـادي
وبسجنك بالسجن وأنته ماانت محسود=لكـن حـذرى تكـثـر فـاالـدوادي

مضحي بن جمران

لبليس الاشتف لقيت اعوان وجنود=دايم جنـوده مساكيـن العبـادي
مصيود مصيود مالك نصر وسعود=اتوش وترش ياضـب الحمـادي