ياسلام الله سلام اللي سلامه ما يغيب

ياسلام الله سلام اللي سلامه مايغيب = وان حضر نجم الجد غاب نجم سهيل غاب
من نصيبك لي نصيب ونصيبي لك نصيب = والهدف مابين بيني وبينك له نصاب

	المشاركة الأصلية كتبت بواسطة جميل بن حميدان

	ياسلام الله سلام اللي سلامه مايغيب = وان حضر نجم الجد غاب نجم سهيل غاب من نصيبك لي نصيب ونصيبي لك نصيب = والهدف مابين بيني وبينك له نصاب

مرحبا ياللي تسلم سلام المصتصيب=خايف انه لو رمى مايقال فلان صاب
ياجميل الذيب يقنب وراه الفين ذيب=الحذر ثم الحذر لاتعشاك الذياب

البقا والطيب له عندنا ياخوك طيب = فال طيب لا وانا منه فالي طاب طاب
يامهجرس ما حسبنا حساب اطلق حريب = مير ياليتك توضح مضامين الكتاب

ياجميل اشهد انك جميل
صراحه تمنيت اني لعبت معك بها الطاروق
لكن مهجرس حظه طيب

	المشاركة الأصلية كتبت بواسطة جميل بن حميدان

	البقا والطيب له عندنا ياخوك طيب = فال طيب لا وانا منه فالي طاب طاب يامهجرس ما حسبنا حساب اطلق حريب = مير ياليتك توضح مضامين الكتاب

منهو اللي قال رجلٍ يودي مايجيب=من يود العلم ياصاحبي ودا وجاب
وانت ما انته ياجميل اجنبي والا غريب=لإجل اعلم حضرتك بالحمامه والغراب

الحسيب الله ولا غيره الواحد حسيب = والذي ما يحسب حسابنا ماله حساب
دام واني مثل مانته تقوله لك قريب = واجباتك لي وانا آخوك تطرق كل باب

ماعليك زود يابراهيم والطواريق حظوظ ..... والايام تجمعنا على الاحسن انشاء الله وحياك الله كانك بتشاركنا

مفسوحلك تمون وانا اخوك ونتشرف فيك

	المشاركة الأصلية كتبت بواسطة جميل بن حميدان

	الحسيب الله ولا غيره الواحد حسيب = والذي ما يحسب حسابنا ماله حساب دام واني مثل مانته تقوله لك قريب = واجباتك لي وانا آخوك تطرق كل باب

والله انا ماكرهناك يانعم الشريب=بس اشوفك ترغب الزاد وتعاف الشراب
الدلال مبهرها صافيه ماهي سريب=وانت يالعطشان لايخدعك شوف السراب

الاخ جميل استاذنك بالخروج ولنا لقا اليله باذن الله

حياك الله واذنك معك .. وصح لسانك ويامرحبابك