ديوان الشاعر//غالي ربيعان الحربي

لقيت لي نبع(ن) رهـــاوي مـع الــقيض =تارد عليه الزمـــــــــل مــــن كل ديــره
تارد مثل ورد الضوامي على الحيـــض=الاولـــه مــا تلــــــــــتفت للاخيــــــــيره
ماعاد فيها للصبر جـــوفها غـــــــــيض=من الضمى ضـــــاقت بها المـستــديره
تارد عليه عــجال ماهـــــن مرايـيـــض=واللي موردها عصـاته قصيـــــــــــــره
شاعرالامن جات وقـــت المــناهـــيض=هـــيـض هــــجوسه مايكـــنه ضمــــيره
جاته بيوت الشــعر كـن هـن محافيض=واخـــــــتار منهـــا كل جــزله عســيره
يوزن بيوت الشعر من دون تخفــــيض=ماهمــته مــــا دام عـينــــه بصــــــيره
لوكان عارف حضـــــه من المـرابيض=يدعي عــــــسى فالامــر خـــيرا ًوخـيره
امفوضً روحـــــه لبــــاريه تفــويـــض=لوان رجلـــه مــن هـمــــــــومه كـسيره
يعوضه اللي فـــي يديـه الــمعــاويــض=ماخاب منهــو فــــالخـفى يــستـــــــجيره
مايقضي الحاجه بكتبـــــ المــعاريـــض=يمـــــناه ماتبـرى اليمــــين القصـــــــيره
يبعـدعـن اللـي مـدته مـــدة الفــيـــــض=الموت اخـير ولا يشـــــاور شــــــــويره
ون صادف بدربه رجالً محـاضـيــــض =اهل الوجـــيه الغانمه والسفيــــــــــــــره
طبعه كــــذا مايلـــتـفت للمناقيــــــــض=راضي بمقسـومـــــه وعــارف مصــيره
علمته الدنيا دروسً مـــــــــــواعيـــض=واخـــر دروســــه بالحــــياه المــــــريره
حتى الغني نفسه لو اعمالهـــــا بيــض=بتـروح مــــرواح النفـــــــوس الفقـــــيره
ما ينفعـه عـايض ولاينفــع معـــــــيض=ولاتنفعــه ربعــــــه وكــل العـشـــــــــيره
المنفعه تكـــــــميل كـــــل المفــــاريض=واعمــــاله اللــي حـــررت بالســــــريره

السلام عليكم

بدايه احب ارحب با الشاعر
غالي ربيعان الحربي
في ملتقى حرب اللي شرفنا
وتسليمه با الابيات الذي على هذا الرابط
http://www.m-harb.net/vb/showthread.php?t=72294
وارجو ان يتقبل هذا الرد المتواضع ومن الواضح انه

شاعر متمكن وابياته تدل على ذالك وتحياتي للقاري الكريم
والحضور عموم

يـدوم الـك البقـا مليـون يـا الخيـر مـع الاخيـــــــــــار=تـراحـيـبــن عــلـــى فـــالـــك ومـــقـــدارك نـثـنـيـهــا
هـلايــا مـرحـبـا بـــك يـــا هـــلا يـامـرحـبـا تــكــرار=تراحيبـن عـلـى معـنـى و مـبـدا الطـيـب نبديـهــــــــا
ترحيبـن النشامـا بــا السـحـاب اوابــل الامـطـــــــار=عدد وبل المـزون اللـي تكاشـف مـن مناشيهـــــــا
هـــلا يامرحـبـابـك فـــي مـحـلـك مـرحـبـا مــقــــدار=هلا بسم الرجال اللي لك اسم ضمن اساميهـــــــا
تفضـل فـي محلـك وقــدح بـزنـدك وشــب الـنــــار=تــــرا مـثـلــك حــــرار ولا تــبــا مـنـهــو يـوصـيـهـا
جديد بملتقى حرب وحضـور الشاعـر البيطــــــــــار=طـواريـقــك تــشــوق صــــف صـفـيـنـن تـغـنـيـهـــا
تعامـل بـا الريـال ولا يـخـلا جيـبـك مــن الــــــدولار=خبيـر وصيرفـي بـا العملـه الصعـبـه وصافيـهــــــا
على ما قيل تاجـر سـوق متعامـل مـع التجـــــــــار=تعرف اسعار سلعت عـارض السلعـه ومغليهـــــا
تميز با القصيد وبا الحضور بساحة الحضــــــــار=وتـعــزوا فـــي عـــزاوي يـعـتـزي راســـك عـزاويـهـا
مـثـل شــرواك مــا يبـحـل ولا يبـحـل ولا يحـتــــار=تراحيـبـه عـلـى وضــح النـاقـا مـاهـو بمخفـيـهـا
الا يـــا مرحـبـابـك مـــا بــهــا مــنــه والا مــعــذار=وعلـى الهقـوه هـل الهقـوات توصلـهـا هقاويـهـا
عسـا هقوتـك ترقابـك علـى قمـة جبـل سنـجـــــار=نــهــار مــثــل يــــوم الـعـيــد لاشـفـتــك مـعـديـهــا
عسـا التوفيـق فالـك والوفـا والطيـب لـك مـدرار=وجـزيـلات القـوافـي عـــد قـــدرك فـــوق عالـيـهـا