ديوان الشاعر//غالي ربيعان الحربي

الله وحـــــــــده كـــــــــل عـــلـــمـــن درابــــــــــه =بــمـــره يــفـــك الــبـــاب ويــقــفــل الـــبـــاب
ارســــــــل نـبــي(ن)بــالــهــــــــدى يــقــتــدابـــه=امـب ــلــــــغ اوهـــــادي ونــاصـــح وطـــــلاب
اسـلــم عـلــى كـفــه جـمـيــع الـصـحـــــــــــابـه=وبـو بكـــــــر اول مــن اسـلـم ومــن تــاب
عــالــم خـفـايــا كــــل قــلــب(ن) ومــابــه=تاقـف لــــــه اشناب(ن)وتقعــد له اشناب
عـــبـــره لـــمـــن يــبــغـــى يـــولــــم زهـــابــــه=ـ ويبيع دنيـا ماحسـب نـا لهـا احســــــــاب
والـنـاس كـل(ن)لــه خـطــاه اوصـوابــه=مـاضـاع حــق(ن)دام لـلـحــــــــق طـــلاب
احــــدن مـكـافــح مـــــن بــدايـــة شـبــابــه=واحدن يدور مدحته عقــــــــــب مـا شـاب
واحــــــدن يـــعـــظ ابـــهـــام كـــفـــه بــنــابــه=واحـــد ايتـفـاخـر بالـمــــواقـف والالــقــاب
واحـــــدن طـمـوحـاتــه تـســبــب غــيــابــه=ــ وليـا حظـر كـنـه لـــــه اسنـيـن مـاغـاب
واكـبــر خـطـايـا الـنـفــس كــــره الـقـرابــه=اقــولــهــا والله عــلــيـــم(ن) بــالاســبـــــاب
يــوم ان بـعــض الـنــاس شـقــق ثـيـابـه=حــده زمـانــه بـيــن نـاب(ن)ومـخــــــــــلاب

الى الشاعر القدير (((عبدالله بن عتيق الحنيني)))

هات القلم قدام لايســـــــــــري الليل=هات القلم هاته وعجــــــــــــل عليه
بكتب وبرسل لي حروف ومراســـيل=لـــعـل مــاتكـــتب عليهـــا خطـــــــيه
لإبن عتيـــق اللـــــي يحب التعالـــيل=عبدالله اللي كــــل راســـــه حمــــيه
حربي ومن نســـل الرجال المشاكيل=اهـــل الوجيه الغانمـــــه والوفــــيه
تاجر ومتعـــود لكســب المحاصـــيل=يكســب براس المـــال مــيه بمــــيه
مبعــدعــن الرديان والقال والقــــيل=واهل الطرب والعود والسمسمـــيه
متعــــودً دايـــم لشرب الفناجـــــــيل=كيفــــه مـــن البراد والشاذلــــــــيه
فارس ومن ركابت الجيش والخــيل=وانا بعـــد مثله عزومـــي قــــــ،ويه
مرتاح بالي لين اشوف المداهيـــل =واذكر زمــانن فيه روحـه وجـــــيه
يوم القمر يبرى له الجدي وسهــيل=يقفــي وانامــابين هـــــــاذي وذيــه
ماهمني عبيد سمـــح المقـــــــابيل=راع العيون اللــــــي تجيب المنيــه
روح ولاهي عــــــــادته بارد الحيل=ايديه كــــــانت مـــــــــاتفارق يد يه
مغــــير ادله خاطــــــري بالمواويل=لاعـــــاد له عـندي ولاعــــــــاد ليه
من سبتــــه عينــــي تهل الهمـــاليل=كيه يمين القلــــب ويســــــــار كيه
ياصــــــــاحبي ذقت العنى والغرابيل=الحــــــــــــــب بلوى والمشاعر نديه
هذ الكـــــــــــلام وعادته بارد الحيل=ايجـــــــــــازي الحسنه بعشرين سيه