ديوان الشاعر(علي بن عيد البشري)

علي عيد البشري =
سلام والطيب مقباسه = ينصى رجال الوفاء والمجد
اللي على العرف قرناسه = من ساسهم للمعاني عد
همس القوافي 0ابوفيصل =
يللي على الطيب من ساسه = ترحيب ماينحصي بالعد
دام الوفاء لهله وناسه = عساك يالاجودي تسعد
علي عيد البشري =
يامقدم الشهد في كاسه = عسا البقا ياجزيل المد
احوال بلحيل منحاسه = ابغاك تاخذ معي وترد
همس القوافي 0ابوفيصل =
معك الوفاء هب نسناسه = والطيب ما ينحصي له حد
هات السبب واعرف قياسه = يامن لكم فالمعاني يد
علي عيد البشري =
يامن لكم عرف وسياسه = مانشتكي من نحيـل القـد
جانب اسى عكر اوناسه = صابر واقول الفرج فالغد
همس القوافي 0ابوفيصل =
المرء عايش على انفاسه = مايعلم الغيب وموحد
والوقت علمني دراسه = إن الامل باب ماينصد
علي عيد البشري =
عواطف المرء حساسه = وكل الامر للولي تسند
اخضر وخايف على إباسه = واحسرت الطرف مايرقد

البدع / ابوعيد =
سلام من طيب الا ثمار = نجني ثماره ومحصوله
لاجلك معلم وسيع افكار = إبحرمعي فالمثل جوله
الرد/ بخيتان البشري =
ترحيب ينصاك نبع أنهار = قراح نشرب من جدوله
نفرح بشرواك راعي كار = نبحرعلى مركب ميوله
ابوعيد =
تبقى وفي حالتي محتار = يامن معانيك مفتوله
اشكي اسى والسبب تيار = واصبحت في وضع ياهوله
بخيتان البشري =
يحميك ربي من الاكدار = من حالك النفس مذهوله
من ايات وجهه بدا الاصدار = ولابد له باب فدخوله
ابوعيد =
هو وجهة القلب والانضار = ولاعنهم النفس معزوله
ماهمنا البعد والمشوار = لوبعض الاوضاع مجهوله
بخيتان البشري =
من وجهة صنفوه اعصار = اللي لهم قلت مدلوله
مهما المخاطرتجيب اخطار = اللي خطر لك لنا قوله
ابوعيد =
كـــل الـجــوارح عـلـيـه تـغــار = لو أقـرب النـاس مـن حولـه
بـيـن الحنـايـا دفـنـت أســـرار = عن حفظها النفس مسئوله
بخيتان البشري =
انته معه فـي ودادك بـار = معطيه حقه على أُصوله
خلـيـك ياصاحـبـي صـبـار = لاتـقـول الآمــال مقـتـول

بـــخـــيــــتــــان الـــــبـــــشـــــري =
يـوم الزمـن اختلـف واخـلـف = إنـسـان مـاضـيـه والـحـاضـر
فكـر ومــن فـكـره استكـشـف = إن الــزمــن بـالـعـمـر جــايــر
عـــــــــــلـــــــــــي عـــــــــــيـــــــــــد =
إحـنـا مـعـك حـالـنـا يـصـلـف = الـقـلــب والـفـكــر والـخــاطــر
لـكـن ذا الأمــر وش مكـلـف = لـكـان فـــي نهـايـتـه خـاســر
بـــخـــيــــتــــان الـــــبـــــشـــــري =
جـــوره مـعــي للـعـمـر كـلــف = حــزن وآســى مـالـهـا آخـــر
تضـامـنـوا صــــرت مـتـغـلـف = بـوجـودهــم ويــــن مـانــاظــر
عـــــــــــلـــــــــــي عـــــــــــيـــــــــــد =
ارفـق علـى حالـكـم والـطـف = خـلـك مـعـي واتـبــع الـسـايـر
عــن جــور الأيــام لاتـكـلـف = غـيـر الصـبـر حــل للصـابـر
بـــخـــيــــتــــان الـــــبـــــشـــــري =
بأصبر لو إن الصبر مُتلْف = فــي داخـلـي بـاقـي الـظـاهـر
والظاهر اللي بقى بأ احلف = ما أسمح لـه يـروح ويغـادر

بخيتان البشري =
سلام فيه الوفا يسري = والكل منا الوفا راعيه
البث للمنتدى حصري = منا هدية لمشتركيـه
@ علي عيد =
ترحيب يامـن لكـم قـدري = فالقلب عالـي ولانخفيـه
نبغى معـك فالمثـل نسـري = في جو صافي سوى نمشيه
بخيتان البشري =
عسى البقا وقدركم يجري = في دمنا قبـل لا نطريـه
طاب اللحن واستمع لأمري = وافيدنا بعد مـا توحيـه
علي عيد =
أوسع من الكون لك صدري = واللي كماكم أنـا شاريـه
حاسيلك القاف من بـدري = هات الذي منـك متحريـه
بخيتان البشري =
من وين نبدأ لكم مـدري = من حال في خاطري ببديه
الطرف والقلب مع فكري= الكل منهم عليك اشكيه
@علي عيد =
قدام حكمي لكم نجري = لآبد توضيح ماتخفيه
لأدعمت شكواك بنطّري = بعد النظر رأينا نبديه
بخيتان البشري =
الوضع في داخلي مُزري = اللي فقدته ياكيف ارجيه
لفراقهم والصبر مزري = ولا درب يمه يصل ومشيه
علي عيد =
فوق الصبرهاك من صبري = في حالكم والذي تبكيه
وقادجوف الحشى جمري = ومغبون منهو فقد غاليه
حكم القدر ماعنه مذري = لاحان وقت الأجل ياتيه
راع الصبريكسب الآجري = وختامها ادعله باريه