عزّيل حالي

السلام عليكم ورحمة الله وبركاته
من نزف قلمي

عزيّل حالي يـوم طـوّل مغيبـك =أجهدت عيني كني ابحث عن هلال
لضاق صدرك لاتجافـي وليفـك =خلي وليف القلب دايم على البال
أصبر على حظَك وهـذا نصيبـك =وأبعد عن العذال في كل الاحـوال
لو عاب نفسه كيف يقدر يعيبـك =وما كل مايخطر على الفكر ينقال
أنا رجيتك لجل روحـك وطيبـك =مثلك على الزلات صابر وشيـال
كم درت بين الناس ملقى وصيفك =أنت صديق الروح ياطيب الفـال
وإن طحت في درب العنا أهتديبك =القى مشورة راجح العقل رجـال
يانور عيني كيف تجفى صحيبـك =أبكي على ذكراك تايـه ورحّـال
غابت علّي الشمس ساعة رحيلك =وأظلم علّي الليل يوم القمر مـال
ضيعت دربك تاه عنـي مسيـرك =كن الفيافي صارت حجار وجبـال
أعطيك كلمة خلها فـي ضميـرك =ترى حياتي كلها أحزان وأهـوال
هذا مصيري وأنت هذا مصيـرك =عيا علينا الوقت نبقى على حـال

بقلمي

عبدالرحمن الاحمدي(بن دواس)

صح لسانك مليون على القصيده
والله يعطيك العافيه
بيض الله وجهك

عبدالرحمن الأحمدي


صح لسانك وفقك الله

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة رابح الجحدلي

	صح لسانك مليون على القصيده والله يعطيك العافيه بيض الله وجهك

القدير رابح الجحدلي

وجهك أبيض يابن العم

كم تشرفت بمرورك المضئ

أشكرك على طيب ثناءك وجمال كلماتك

أخوك عبدالرحمن الأحمدي

	المشاركة الأصلية كتبت بواسطة سعد بن نفاع الحربي

	عبدالرحمن الأحمدي صح لسانك وفقك الله

الغالي

سعد بن نفاع الحربي

صح بدنك

وفقنا الله جميعاً لما يحب ويرضى

	المشاركة الأصلية كتبت بواسطة سالم الفريدي

	صح لسانك .. .. أسجل اعجابي بالقصيدة .. ويعطيك العافيه ..

الغالي

سالم الفريدي

تشرفت بمرورك المعطر

أشكرك على أعجابك وثناءك

أخوك عبدالرحمن الاحمدي

اخوي عبدالرحمن
..

..


صح لسانك

وبيض الله وجهك على هالقصيدة الجزله

	المشاركة الأصلية كتبت بواسطة باسم البشري

	اخوي عبدالرحمن .. .. صح لسانك وبيض الله وجهك على هالقصيدة الجزله

الاخ القدير باسم البشري

وجهك ابيض يابن العم

أسعدني حضورك الذي أنار متصفحي

وشكراً على أطراءك وثناءك

أخوك عبدالرحمن الأحمدي