هـــــرج الـــــقـــــفــاء

السلام عليكم ورحمة الله
اخواني مشاركه اولى
ارجو ان تنال اعجابكم
جتني قصيدة من الشاعر منصور بن محمد بن مجول النجيمي

حطيتلي في دكت السهر مجلاس = وحيد ماحولي لجيج وحساسا
في خايع(ن) قفر(ن) خلا مابه اوناس = مغار صوت الريح وسط اليباسا
واختلي مع سجت البال مرواس = وبنات فكري بالمواجع تماسا
مركاي كوعي والسماء فوقي الباس = وافراشي اهمو(ن) تثير العماسا
من هرجت(ن)جتني تنقل مع الناس =يرعبها خبل(ن) ربى فالخساسا
دجاجت(ن) تنقز على ضهر قرناس = لا راغ عهنها فالحماده تواسا
وابا انشد اللي رفقته ترفع الراس = اللي بميزان المراجل يقاسا
شاكر عريب الأصل والفصل والساس = معدن ذهب ماهو بمعدن نحاسا
هو خبر اربه ذيب(ن) تعشنه ابساس = ولا خبر صقر(ن) كلته الغباسا

.................................................. ...........................................

جتني حروف(ن) عقدها مثل الألماس = بصدر الهنوف اللي لها الزين ساسا
مرسومتن بابداع في وسط كراس = من شاعر(ن) بلور شعوره لماسا
ماجور يامنصور من غدر الأنجاس = خلك سواتي ماحسبت الهساسا
لا حركة شعره ولا هزت الباس = ما نلتفت لأهل الردى والطفاسا
ياخوك يامنصور لا باس لا باس = أهل القفا ياخوك تحت المداسا
لا يضيق بالك لا يجي فيه هوجاس = خبل العرب دايم يحب الحواسا
ماقول ضهرك خله لارمح جساس = لاكن تفاطن وأخذ بالحتراسا
هذاء زمان الهرج واهل التبلاس = وأهل الردى وسلوك فيها التماسا
مافيه ذيب(ن)قد تعشنه ابساس = ولا فيه صقر(ن) قد كلته الغباسا
أبساس وذيب(ن) والغباسا وقرناس = الفرق واضح في نضام افتراسا

اخوكم
شاكر مضحي العاكور