تغطية حفل تكريم الشاعر الكبير/ محمد بن عباد الشهراني

أقام خادم حرب / داخل عاتق الغيداني يوم الخميس 26/7/1431هـ

حفل تكريم للشاعر الكبير/ محمد بن عباد السلولي الشهراني
ببلدة الخالدية بمدينة دخنة .
وقد حضر بمعية الشاعر عدد من مشايخ وأعيان بني سلول وعلى رأسهم شيخ شمل بني سلول الشيخ/ مشاري بن عامر الصعيري وعدد من اعيان وأفراد شهران .
ويأتي هذا التكريم رد ثناء وعرفاناً للشاعر / محمد السلولي على قصيدته المشهوره
التي منها هذا البيت:

ملكتوا الكلام اليعربي واللسان الذرب=مثل ماملك فوق البسيطه سليماني

وقد حضر الحفل جمع غفير من شيوخ وأعيان وأفراد قبيلة حرب ومن الشيوخ الحاضرين
الشيخ / بندر بن محمد بن بتلاء
الشيخ/ رباح بن طعيميس _رئيس مركز الذيبيه
الشيخ / محمد ماجد الذويبي
الشيخ / بندر أبا الشيوخ


ملاحظة * الحفل منقول على قناة صدى الفضائيه وسيتم ابلاغكم بموعد البث
اليكم الصور وبعدها القصائد التي قيلت بالمناسبه




خادم حرب / داخل بن عاتق الغيداني والشاعر المحتفى به / محمد بن عباد السلولي



الشيخ / مشاري بن عامر الصعيري شيخ شمل بني سلول


الشيخ / بندر محمد بن بتلاء

الشيخ / رباح بن طعيميس

الشيخ / محمد بن ماجد الذويبي


جانب من حضور الضيوف الكرام

لحظات الاستقبال

الشيخ / محمد الصعيري _ابو هشـــام


الخياله على ظهور الخيل لحظات استقبال الضيوف

الضيوف الكرام وفي الصوره الشاعر / محمد السلولي

















بالوسط الشيخ / مسلط بن لافي الشعبي الحربي

الاستاذ / متعب سالم الغيداني مقدم الحفل

القارئ/ عوض نافع الغيداني

خادم حرب / داخل الغيداني يلقي كلمته بالمناسبه


مقدم الحفل/ راجح محمد الغيداني

المنشد وصاحب الصوت الشجي / عواد علي ابو جزيله الغيداني

الشاعر / محمد عبدالله جليل الغيداني

الشاعر / نايف سليمان الطريسي

الشـــــاعر / سالم عوض المخلفيي

الشاعر/ عوض عواض الغيداني


الشاعر / مساعد عبدالرحمن الغيداني

الشاعر / ماجد عبدالله المشيعلي

الشاعر /بدر ناصر العفيش الحربي

الشاعر / مخلد هليل العتيبي

الشاعر/ مبارك منير العوني



الشاعر / عبدالله عوض الجابري


الشاعر / الحميدي الحلو السليمي





الشاعر / عبدالرحمن بديع الشهراني



الشاعر/ منصور الشهراني




درع مرصع بالذهب مقدم هديه للشاعر المحتفى به


كذلك هديه أخرى بلجيك

ارحبوا واهلين شهران العريضه=ربعةٍ توفي وتوفى من وراها
مرحبا في حلة دايم حضيضه=عند حرب اللي تكرم من لفاها
من لفاها من مقابلهم تهيضه=واول استقبالها طيب نباها
والمطايب جمرها حامي وميضه=والبخور يفوح ريحه في سماها
السلولي شاعر يتعب ركيضه=نفتخر بالمفردات اللي نقاها
جات جزلات القرايح مستهيضه=كل كلمة تعتزي باللي وراها
الثنا رده على العاقل فريضه=والرجال الطيبة طيب ثناها

الشاعر خادم حرب / داخل الغيداني

أنا الليلة على البحر الطويل مرتب القيفان=بحفل اللي وراء غر السحاب اهناك منزاله
تساما للنجوم وحط له فوق السحاب اسكان=ورقا للقمه اللي من رقاها تذكر افعاله
هلا بضيوف داخل عد ما هل السماء ودان=هلا بضيوف و شيوخ ترام الطيب وتناله
تشرفنا بكم وأنتم لكم وسط القلوب أحضان=مكان تقصر يدين الحسود ان جات تغتاله
تعودنا على رد الوفاء ماهو بنطق لسان=نبيع ارواحنا لجل الوفاء لو ثقلت أحماله
تمنهجنا على مبداء القيم و أسلافنا العنوان=من اللي ما يحق إله الفخر في ماضي اجياله
تجدده المواقف كل مامرت به الأزمان=سنين تمر وأحداث الزما تثبت الحاله
وهذا اكبر دليل إنا تجمعنا اصدقاء وأخوان=نكرم من ورد جم القراح براهي حباله
مجمل يالسلولي ما بخست الكيل و الميزان=وهبك الله صفات اللي تحكي الناس بمثاله
يكفيه إنه محمد سليل الطيب من شهران=صدى صوت الجنوب اللي يشدك صوت مواله
يغرف من البحر دره ويرسم للعقود ألوان=ويرقى بك خياله كل ما حاولت ترقاله
تضيع بمملكة فكره ويأخذك الفضول أحيان=وتبدى البحث عنه اكثر ليامن جيت تقراله
تظن انك قدم لوحه رسمها الماهر الفنان=مزج بالحاضر الماضي وصور قصة ابطاله
أنا أقول إن شعر مثل شعره مايبى استبيان=فرايدة الثمينه تعتبر في ذاته رساله
تحل أبها قضايا مجتمع وألا حقوق انسان=وأنا اشيد بذكاء من يحفظ الأحداث في باله
اخوي الشاعر الله لا يهينك خل فيك إيمان=ترى بعض المواقف تغني الرجال عن ماله
لسانك خله لحل القضايا العالقة سلطان=ترى الانسان ما يكسب يضاف لصفحة اعماله
إذا ربي عطاك الموهبه باللفظ و البرهان=أكيد ان الكلام العذب كل الناس تظماله
تجمل بالكلام وجند افكارك لكل احساس=عساك تفوز برضا من تهيم النفس لقباله
وعسى ربي يوفقني بما سطرت من قيفان=بحفل اللي وراء غر السحاب هناك منزاله

الشاعر/محمد عبدالله جليل الغيداني

عداد وبل تهلهل من حقوق الغمام=يامرحبا بـاسم ربعي حرب غنيتها
يامرحبا بالضيوف وبالحضور الحشام=ترحيبة تلتطم بالصدر وابديتها
قريحة الشعر هاضة عقب خمسة عوام=وانكفت لبحور شعري عقب خليتها
هيضني الماقف الوافي وزان الكلام=والمفردات الجزيلة زان لي بيتها
تعيدت وافطرت من عقب طول الصيام=اطربتها يالسلولي يوم ناديتها
حضرت جزل المعاني في جزيل المقام=في حفلة من دوافيع الفخر جيتها
حييت ياشبل روس مخضبين الحسام=قبيلة من وفاها مشتهر صيتها
قبيلة تقهر عداها وهي ما تضام=مهما تغمق قصيدي ما تعديتها
افعالهم بالوفاء وألا بزرق السهام=تداولوها روات الناس ووحيتها
صغيرهم يرضع النوماس قبل الفطام=وكبارهم تاقف القيفان ما أوفيتها
جونا وجاء للجزايل بالصدور ازدحام=عذبات الاشعار سرتني وسريتها
الهاجس الجزل عن هزل الطواريق شام=ورحال شعري لبحر الشعر شديتها
حييت الشاعر الوافي بعيد المرام=ياصاخر العاصيات لياتوليتها
ياللي تمنيت لك منوه وجتك بسلام=هيضت الاشجان يامحمد وغنيتها
جتك المشاعر وصفت لك وفاء واحترام=من غير هجمه على الشعار شنيتها
مثلت شهران ربعك ما وطيت الملام=كلفت بمهمة صعبة وسديتها
حييت ياشيخ شمل اللي بذروة سنام=العزوة اللي تعزك لاتعزويتها
ياشبل عامر مشاري لك تحية شمام=وبني سلول العريبة ما تناسيتها
سقت التراحيب والقاف اعتدل واستقام=عن حرب شهران بالترحيب خصيتها
يامرحبا مكرمه لضيوف حفل الكرام=عداد رواد مكة من مواقيتها
وعداد ما رفرف القمري وناح الحمام=وعداد ايات من الرحمن تثبيتها
وعداد ما بان نجم تحت جنح الظلام=ترحيبة بإسم ربعي حرب سويتها
كل بحقه من العربان شرق وشام=وكل القبايل بهالترحيب عميتها

الشاعر/عبدالله بن فاضي المشيعلي الحربي

الهاجس اللي للتراجع تزعزعت=ماتقل لك بالشعر ومكوناته
روايعن في مستواهن ترفعت=عن تافه الإبداع ومكسراته
ماضٍ مضى عندك عذر لو تراجعت=واليوم زاح العذر ومبرراته
هبت ذعاذيع الجنوب وتطلعت=لإبداعك الموهوب ومميزاته
من عقب لأبيات السلولي تسمعت=قافٍ شعن تفكيرنا مفرداته
اما عبرت بحور الإبداع وأبدعت=ولا هجرت الشعر ومسيراته
ارويت يامحمد بالإبداع وأشبعت=وايقضت عذب المفرده من سباته
وبرفع سعر العود الأزرق تبرعت=وذبحت طلع الحنصله بمهاته
وبذوقك الرائع تمتعت وامتعت=وتملك من التعبير ومسوغاته
قمة شموخ المعرفه لو تواضعت=وقمة شموخ الشعر ومعلقاته
من منتدى شهران الإبداع نوعت=طرزت بالياقوت ومجوهراته
فرايدٍ في سردهن ماتوسعت=قطفت من عذب الموارد طراته
وليا اشتريت بغال الأثمان وابتعت=مالك ومالي بالرخيص التفاته

الشاعر/سالم عوض المخلفي الحربي

هلا ماهو على عشان الظهوري= لاوالله قايم في صلب دوري
ولا أحسب لقناه ولا مجله= أنا في وقفة ربوعي فخوري
ارحب ثم ارحب ثم اهلي= وربعي تحسب حساب لظهوري
وأنا أقدر مواقيف الجماعه= واعرف اللي لاباس من الضروري
وبعد داخل دعاله شخص غالي=ابا ارحب واعبر عن شعوري
الا يامرحبا بك يالسلولي=تراحيبٍ تلج ابها الصدوري
ولا يامرحبا في صحبك اللي=لهم تقدير وأعم الحضوري
وحنا ياولد عباد مهما=نقدم لك شعرنا بالقصوري
شهادة منك تسوى إمية شهاده=تدل إنك مقدر للإموري
وتدل إن التواضع فيك خصله=بوقتٍ ينتشر فيه الغروري
بوقتٍ لاطلع فيه الأناني=يحاول حجب الأضواء والظهوري
بوقتٍ فيه حب الذات يطغى=لو إنه ماقصر لأحدٍ شبوري
وأنا يوم اتغنى في خصالك=سمعني شايبٍ قد له عصوري
نشدني قال وشهو يامساعد=اشوفك تدحه مدحٍ جسوري
وقلت من شهران وفز واقف=وقال ابك الشهارين النموري
هذولاء طيبهم كلٍ يعده= وطيب القلب فيهم لاشعوري
ترى شهران طيبتهم طبيعه= على الافين يضفون السروري
وترى شهران عمرالطيب فيهم=مايحسب بالسنين وبالشهوري
قرون أجيالهم متوارثينه=للأحياء ورثوه أهل القبوري
وترى شهران شهران العريضه=بياض وجيههم للأرض نوري
وذا الليلة بدخنه نوروها=وفاحت بالفرح ريح العطوري
فبيت اللي بناء للمجد مبناء=ولد عاتق على الطيب مخبوري
ابو خالد دخل للطيب داخل=جمل لاكبرت الحمله صبوري
عرفنا عنه حبه القبيلة= وتقدير الرجال بلا محصوري
وذبح اللي علاها طول يدها=كريم ولا على غيره قصوري
ويبقى اللي وفا طيبه لربعه=سياجٍ عن براد وعن حروري
يشوش الرجل في طيب ابن عمه=إذا هو طيب القلب وغيوري
وختام القول اهلي ثم ارحب=طبيعه ماتغيرها الدهوري
تراحيبٍ تخالطها بشاشه=تساوي ذبح خمسمئه جزوري
ولا تافي بحق الي لفونا=ولكن سامحونا بالقصوري

الشاعر/مساعد عبدالرحمن الغيداني الحربي

سلام الله سلامٍ نصرفه صرف الذهب بالسوق= عدد مالاحت ابروق المخايل وانتثر ماها
سلامٍ يشمل الحضار مايترك ولا مخلوق= على الحفله ومن فيها من أدناها اليا اقصاها
سلامٍ للرجال متوجينه بالذهب والطوق=أمانه من عتيبه حملوناها وجبناها
سلام الله على حرب الرجال أهل الوفاء والذوق=رجالٍ بالمراجل بالكرم ماأحدٍ تحداها
رجالٍ تأخذ حقوق وتقدم للرجال حقوق=هذا منهاجها من ماضي الدنيا ومبداها
لهم عادات وسلوم تفوق الكتب والمنطوق=أهل نخوه وأهل هيبه من اقصاها الى أدناها
رجالٍ ماتعرف الغدر مهما كان وألا البوق=تقابل للرجال اللي تقابها وتنصاها
قبيلة من منول منزلتها فاصداره فوق=مكانتها رفيعه بأول الدنيا وفتلاها
لها صوله وجوله تفرق العاشق عن المعشوق=عداها من قديم الحين دايم تلعن ثواها
مزبنت الدخيل اللي عليه من الليالي عوق=ليا منه دخل فبيوتها يرتاح فحماها
ذكرنا من محاسنها قليلٍ من كثير يفوق= يفوق كتابة اللي يكتب الكلمة ويقراها
هذا قول الصحيح اللي صدر من مصدرٍ موثوق=وأنا اعرف إن كل الناس محدٍ يدرك رضاها
لكن الناس يوم الله خلقها حط فيها فروق= خلقها الله وفرق بينها من يوم سواها
بدون قصور في كل الرجال اللي لهم قدر وحقوق= أنا ماهضم حقوق الناس والله ولاأنساها
ورجلِ مايعد الحق يصبح شاربه محلوق= ومن تحلق شواربها بعدها تنتف لحاها
علوم الطيب ماتحصر عن أهل الطيب في صندوق= ياكثر اللي علوم الطيب طول الوقت معناها
وأنا ربعي عتيبه بالشجاعه مالها ملحوق=رجالٍ من قديم الوقت مابه من تهقواها
أهل وقفه وأهل فزعه ليا جاءت اللزوم تشوق= تشوق اصحابها عند اللزوم وترهب عداها
لها وقفةٍ يروق بها المعادي غصب لين يروق=عيون تسرها وعيون دائم تسحن دواها
ليا شاشت وطاشت بسطر برقا ومعها روق=ياويل اللي يجي قدامها ماهوب وياها
ليا منا فعلنا فعلنا منه المريض يفوق=عدانا كان ربي مارحمها مارحمناها
وشبابه مع بعضها حرب وعتيبه جسد وعروق=ليا دارت رحاها زينت مطحون من جاها
وصلى الله على المختار عدة مايلوح بروق=ليا من المخايل خيلت والريح تقداها

الشاعر/ مخلد هليل العتيبي

باسمك بدينا فانك الله الاكبر=يارب يامحيي العظام الرميمه
واذكر محمد صفوة الخلق الازهر=وصحابته اهل القلوب الرحيمه
الاولة بأبدا الكلام المعبر=من مصنعه ما اجيب كلمة قديمه
اطب في سوق الحكم وأتخير=زين القوافي والمعاني السليمه
اخص بالامداح حر على حر=بوخالد منصى الرجال الحشيمه
داخل ليا جيته بداره تبآ شر=كريم ويحب الرجال الكريمه
في مجلسه تلقى دلال تبهر=واكباش ظان ما علفها لقيمه
بوناصر لاما زهم ما تأخر=وترى الوفاء منا عوايد وشيمه
يقولها شاعر سلول ويفخر=وكل رجل يفتخر في زعيمه
وزعيمها شيخ عبا الصقر يشهر=مشار ي الصعيري جعل ربي يديمه
والثانية مني سلام محبر=يهدا لحرب ومن حضر ذالعزيمه
سلام مني عد نو تزبر=برقه يلوح وراعده وسط غيمه
لصبيان حرب اللي خبرها تنشر=هل بيرق ما ذاق طعم الهزيمه
البيرق اللي فالجزيرة تسيطر=اللي حما حده وعذب غريمه
سالم ومسروح ملوا البحر والبر=قوم عظيمه والفعايل عظيمه
صبيان حرب للمسالم كما الدر=والمعتدي تأخذه اخذه اليمه
كم من حفيف من سببهم تكدر=أما جلا وألا خضع للشكيمه
النشر يطرخ في الخلا ما تذعر=وأم الشمايل مانعتها الوسيمه
هم فزعت ابن سعود لا دندن الشر=سعد لمن والاه سم لخصيمه
وفي الخاتمه مانسى الامام المظفر=بومتعب راع الدروب الحكيمه
ولا تكبر او ظلم او تجبر=عطف علينا والشعوب المقيمه
تحكم على الغاوي اذا ما تنكر=والسيف الاملح هو علاج الجريمه
في طاعةابن سعود نسعى ونسهر=من اجل دولة عاد له مستقيمه
دولة لها سمعه وصيت تطور=وصارت على العالم بحكمه زعيمه
وفي الخاتمه مني سلام معطر=على النبي عداد وبل وديمه

الشاعر/منصور عويد السلولي

تداحم بفكري مترفات الصبا والغيد= بنات الهجوس اللي لها الفكر طرباني
تداحم مثل شرد المها ناقضات الجيد= ضوامر حشا فيهن بهاء غرو إحساني
تسابق عليهن مهتوين القنص والصيد=وآنا الشوق لعيون المفاريد سراني
لهن شوق علياء لا أنتخى دونها ابو زيد=تبنيت فكرتهن وفكري تبناني
وبدينا وأنا لامن بدأ ماقفي ماأحيد=أجي لابتي تقديرولساني حصاني
وبأسم داخل الحربي هلا مرحبا ترديد=هلا مرحبا من كل قلبي وجداني
هلا مرحبا والليلة أول ليال العيد=وترى أول ليال العيد تفرق عن الثاني
هلا مرحبا في كل من جاء وبالتحديد=هلابالضيوف اللي لهم تصدح الحاني
هلا مرحبا باللي لهم بالفخر تمجيد=هل الطيب والوقفات من ماض الازماني
إعيال شهران إليا ارتخى باللقاء رعديد=تواريخهم في صفحة المجد برهاني
هلا مرحبا فاللي بحد الجزيره حيد=يضد العدا من كل غازي وطمعاني
هلا مرحبا في نصرت الحق والتوحيد=على كل قبا تنطح الموت وإحصاني
أرحب بربع قدرهم كل يوم يزيد=إرجالٍ مسير إفعولهم يتعب الباني
وأبا اشيد بالي في شواعير حرب يشيد= وأبا أنخى على رد الثناء جزل قيفاني
هلا يامحمد عد غيثٍ بصدر البيد=نثر ماطره وإنهل من غر الأمزاني
هلا فيك ياشاعر ليا جاب جاب الفيد=معاني قصيد جزل وبيوته إسماني
مطاليع فكره لاتنهض وفك القيد=مطاليع حرٍ فكه النائب الثاني
هلا بك غلا من نجد لآخر حدود قديد= أرحب بمقدم من لفا يمنا عاني
وأقوله وأنا من حرب أهل نجد بالتحديد=إزحول الرجال بكل ماقف وميداني
أقوله وأنا ماجرد المجتمع تجريد=مثل مالنا ميزان للناس ميزاني
وبعد ماتعود لدار شهران بالتحديد=أمانه تسلم لي على كل شهراني
وباسم داخل الحربي هلا مرحبا ترديد=وهلا مرحبا عن حرب الاقصين والداني

الشاعر/نايف سليمان الطريسي الحربي

نيابة عن حرب عند الغيادين=يامرحبا من قلب ولسان وإحساس
ترحيبٍ أغلا من الذهب والملايين=بضيوفنا الغالين من كل الاجناس
عند الحروب اللي للأمجاد ضارين=أفعالهم بين العرب ترفع الرأس
فينا الوفاء ماضي وحاضر وبعدين=من فضل رب البيت مع ساير الناس
صغيرنا في مرحبا فيك وأهلين=يعجبك لأن الطيب مبنى على ساس
وكبيرنا بالطيب والمذهب الزين= تشهد له الاجناب والفعل مقياس
مجدٍ من اولنا يخلد إلى الدين= متوارثينه ورث طيبٍ ونوماس
وبعد ذكرت من الحقايق عناوين= الفكر له دوره وللمجد هوجاس
حي السلولي عد وبل الودادين=واللي معه شرف عدد رمل الاطعاس
شهادته فينا على الراس والعين=وسام فوق صدورنا فخر وقياس
شهادةٍ من رأس نسل السلاطين=غير الشجاعه والكرم قوة الباس
شهران شهران العريضه على الدين= وقت الرخى وإلا على قب الأفراس
وافين واللي كون الكون وافين=لبسوا فعول الطيب بأنواعه لباس
على فعايلهم دليل وبراهين=ماهو مجرد حبر من فوق قرطاس
تاريخهم يحوي جميع المضامين=فيه الذهب والدر وعقود الالماس
بلا قصور بالرجال المسمين=كل القبائل نعم والعلم نبراس
النور عده حق والحق تبيين=الطيب ماهو ملكٍ لناس عن ناس
عد الروى للي على الطيب مضمين= افلح به الطيب عن وجيه الانجاس
وصلوا على خاتم جميع النبيين=عد الحروف وعد ماهب نسناس

الشاعر/عـــوض عواض الغيداني

البدايه مرحبا ترحيبة مصحوبه= بأزرق العود الفريد ولمعة المرجاني
ماجد بن خريص ناب وقام يوفي نوبه= يوم كلفني عضيدي داخل الغيداني
الجزيله ياهجوسي عندنا محسوبه= والهزيله مالها مجلاس في ديواني
يوم ارحب بأسم ربعٍ نارهم مشبوبه= يفتخر راسي وطرياهم فخر للساني
مرحبا ترحيب حري يفتخر بحروبه= باسم مزبان الدخيل ومحتمين العاني
مرحبا ترحيب غيثِ يوم جاء فرحوبه= في هطوله فرحوا الحضران والبدواني
مرحبا ف كل شيخٍ جيته محسوبه= وابخص مشاري العامر رفيع الشاني
شيخ شمل العزوه اللي ذكرها سمعوبه= هم بني سلول والتاريخ مايخفاني
وشخ شهران العريضه كلٍ بما جوبه= مرحبا ترحيبةٍ ماجابها نقصاني
مرحبا في كل ضيفٍ عزوتي هلوبه= وأبخص من الضيوف الشاعر الشهراني
ابن عباد السلولي شاعر مكتوبه= شاشله جاشي وسافربي لجو ثاني
من رجالٍ فعلهم كل العرب دريوبه= بالوفا والطيب والميقاف بالميداني
عن بني شهران جانا شاعر شادوبه= له جزيل الشكر والتقدير والعرفاني
مرحبا عد مافي هالزمان عجوبه= عند أهل يامرحبا يامرحبا عنواني
مرحبا في شاعر قافه غرق بأسلوبه=صور الواقع وجاب لحجته برهاني
من جزيلات المعاني شرده منجوبه= والدلايل يوم رجح كفة الميزاني
وسط حفلٍ عزوةٍ من عزوتي قاموبه= للحصان اللي قصيدة يذهل الأذهاني
قبل يطلع للقصيدة لابتي فزوبه=فزه الفرحه بمثله يوم جاءنا عاني
ويوم شارك جاب قيفان الذهب مسكوبه=حي قافٍ من وفاه يهيض الأشجاني
الحدث والوقت هيكل والقصيدة ثوبه= كلهن مثل النواه لبنية القيفاني
القصيدة والبناء يبنن طوبه طوبه= والعمد والساس عز بناية البنياني
ويش فرق الشعر لولا فلسفة لاعوبه= وش هم المستشعرين؟ وش هم الفرساني؟
ماأحد يقدر يقول الشعر مابقوبه=للزمن هذا شواعير الزمن الفاني
والقصيد بحور لاتحكر ولا محجوبه=ماقصاها لا فلان ولا أحتكرها فلاني
كل شاعر من بحر شعره حسب مطلوبه=يلقي أبيات بدعها بالفم الملياني
أحدٍ شعره إليا اوحوه العرب غنوبه=واحدٍ يفتح عليه ليا قصد بيباني
والنهايه مرحبا ترحيبةٍ مصحوبه= بأزرق العود الفريد ولمعه المرجاني

الشاعر/ماجد عبدالله المشيعلي الحربي

أنا بالنيابة عن ابوخالد كحيلان =سليل الرجال اللي لهم بيننا شاني
احيي بشهران العريضة هل الايمان=عزاز النفوس اهل الكرم خطل الايماني
لهم صرح مجد معتلي كبر ضلع أبان=يعرفونه الاقصين ويعرفه الداني
واخص ابن عامر شيخ من اطيب الشيخان=سلالة رجال ظلها يحمي العاني
وعسى الله يحفظ الملك فارس الفرسان=مليك العرب عز العروبة كحيلاني
يحفظ الله العالي ولي العهد سلطان=ونايف حفيظ الامن النايب الثاني
حكومة رشيدة في ذراها نعد اخوان=لأنا بدين الواحد الخالق أخواني
ختام الكلام من السليمي الى الضيفان=شذا عود مع مسك وعنبر وريحاني

الشاعر/الحميدي الحلو السليمي

بديت بإسم اللي عليه التكايل=الواحد اللي كون الغيث وأنشاه
منش المزون اللي تصب الهمايل=اللي حمى موسى من البحر وأنجاه
الله هو الباقي وما كان زايل=والشكر و المنه والأفضال لله
واخذت عن بعض المثايل مثايل=نتعب على شان البيوت المنقاه
لو ما أجتهدنا ما نجيب الجزايل=والشعر من حبكه وسبكه ومعناه
وضيوف داخل من جميع القبايل=والضيف له حشمه ومقدار يلقاه
عداد ماتبرق بروق المخايل=مزن تراكم وانحدر وانسكب ماه
واثني الترحيب والراس طايل=يامرحبا ترحيب حربي بمن جاه
تستاهلون الطيب يأهل النفايل=الشاعر محمد وربعه وخوياه
اشهر بكلمة حق والشك زايل=وارضى ضميره بين دينه ودنياه
حر براسه للمعالي صمايل=والحر مايحتاج تنبيه ووصاه
بوجود شهران العريضه كمايل=النور شع أمن اول الحفل لقصاه
وفي حفل ابو خالد عريب السلايل=شيخ ولد شيخ على الطيب مرباه
لا مال حمل اللي عليه امتمايل=ترويض صعبات المواقيف يزهاه
متنه على الشده يشيل الثقايل=وكل القبيلة تفتخر في سواياه
ومن لا ينال الطيب ماهو بنايل=ياسعد من في ساعة الضيق ينخاه
خادم قبيلة حرب واف الخصايل=يزيد راسي عز ذكره وطرياه
والمدح ما يبنى على قول قايل=ماهو بأنا اللي مادحه فعل يمناه
الطيب يتعب له بكل الوسايل=والمرجله تصغي لمثله وشرواه
لو المراجل ما تجي بالسهايل=حبه لها اكبر من مدا الغيض بعداه
واكبر بعد من حب شمر لحايل=ومن حب قلب الذيب لدراك مسراه
هذاك ستر منقضات الجدايل =اللي يزيل ويصغر الخوف بحماه
من روس ربعي مسرجين الاصايل=اهل النقى واهل الفعول المسماه
سقم الاعادي طيبين الفعايل=اهل الوفاء والعز والجود والجاه
يومنها مابين صايل وجايل=فريس ومطنخ وشجعان ودهاه
لا جاء لها من الاخصام عايل=سيوفهم ورماحهم تقصر خطاه
خيالهم بمذهبات الصقايل=يسوق روحه بين ذولا وذولاه
ولا يرجع إلا بأمهات الشماي=لمن قو باسه كن الامجاد تنصاه
وياما نسوي بالخوي من جمايل=تناقل الأجيال فعل صخرناه
فعل يهول بالسطر كل هايل=لابد يدريه أول الجيل واتلاه
ألا على قولي ثبوت ودلايل=قصة نويشي والبلالي وخوياه
مجد مشيد بالسنين الاوايل=والله ياسود الليالي ما تمحاه
المجد وزعه بين كل القبايل=وكل بنى تاريخ مجده وسواه
والذم ما يزها عيال الحمايل=كلن فعوله نبذتن عن مزاياه
مدحي لربعي صدق ماهو محايل=واللي جهل بكتاب االافعال يقراه
وعلي ما فكيت باب الفشايل=اللي يغط النور يغط النور حسبه على الله
ما فاز من يمشي طريق الرذايل=والعمر ويش وسود الايام تقفاه
الظلم ما يوخذ بعكسه بدايل=اخير من قربه بعاده وفرقاه
وضحت من عرض الرسايل رسايل=والمعرفة توفي قصيدي وتقداه
لوما اجتهدنا ما نقول الجزايل=والشعر من حبكه وسبكه ومعناه
بنات فكري عوب شردن نحايل=اتلاد فيهن من حلاياهن اشباه
اسوقهن سوق العصى للرحايل=حتى يجن لكل طرق اتمناه
مدام للابداع حل ومسايل=ياما قبل ينقال الابداع قلناه

الشاعر/بدر ناصر الحويمضي الحربي





والسلام عليكم ورحمة الله وبركاته

وإعذونا على القصور

ابورعد
لاهنت وبيض الله وجيهكم
ويعطيكم الله العافيه
سلمت يمناك
وسلم لنا جهدك المميز
حفظكم الله

الله يعطيك العافيه يا‏حمود الغيداني
بيض الله وجهك يالغالي

الله يبيض وجهك تغطية رائعة ويستاهل بن داخل كل خير وحفل ماشاء الله تبارك الله
شئ يرفع الرأس والله يوفق الجميع لمرضاته
ومشكور يالغالي

ما شاء الله تبارك الله

بيض الله وجهك يا حمود الغيداني كفيت ووفيت


شكرا كثيرا لك أخي حمود

وذات الشكر يُساق إلى القائمين



وبيض الله وجيهكم على هذا الحفل الكبير

ما شاء الله تبارك الله

بيض الله وجهك يا حمود الغيداني كفيت ووفيت


شكرا كثيرا لك أخي حمود

وذات الشكر يُساق إلى القائمين



وبيض الله وجيهكم على هذا الحفل الكبير

الله يبيض وجهك ياحمود والله يابورعد انك نوماس

وبيض الله وجه داخل الغيداني

ونعم بالجميع