%% يا كثر ما تخطي و يا كثر ما أدمحت %%

السلام عليكم و رحمة الله و بركاته و بعد


صباحكم و مساكم خير دوما ً


مصافحه أولى أتمنى تنال الأستحسان و تحوز الرضاء من قبلكم

&


&


&


&


&

يا كُثر ما تخطي و يا كُثر ما أدمحت = و يا قٌل عرفي للجفا عنـد عرفـك
غضّيت عن جرحك لقلبي و سامحت = و أرخيتلك غصن الغلا عند طرفـك
جيتك على سلم المحبّه و لا رحـت = أخفيتك بروحي و ممنـوع صرفـك
توجّتك بتـاج المحبّـه و وشّحـت = أغلى الأماني طوع يدّك و غرفـك
و اليوم مثل الدمع من ناظري طحت = ما عاد لك ذاك الغلا يـوم أعرفـك
هدمك طبعك في خفوقي و لو نحـت = ما ردّني بعيونـك السـود ذرفـك
أقنعت قلبي عن مودّتك و أرتحـت = سرّحت حبك و أنتحر صوت حرفك
أمسك محيته من خيالي و صافحـت = يوم ٍ بعدبي عن مشاويـر جُرفـك
أمسيت غالي في عيوني و أصبحت = ليل ٍ مقفّي بيـن ظرفـي و ظرفـك

و سلامتكم

اخوي مخلد الحجيري
صح لسانك
ابدعت وتميزت
بهذي الرائعه
لاهنت ولاهان حضورك
احترااامي

صح لسانك مليون على القصيده
والله يعطيك العافيه
بيض الله وجهك

مخلد الحجيري
صح لسانك وبيض الله وجهك
على هذه الدرة الرائعة
لاهنت

	المشاركة الأصلية كتبت بواسطة سعودية

	اخوي مخلد الحجيري صح لسانك ابدعت وتميزت بهذي الرائعه لاهنت ولاهان حضورك احترااامي

صح بدنك أخت سعوديه

تسلمين و نورتي متصفحي بمرورك و اطرائك

لا هنتي

تحياتي لك

	المشاركة الأصلية كتبت بواسطة الحب الباقي

	صح لسانك مليون على القصيده والله يعطيك العافيه بيض الله وجهك

الحب الباقي صح بدنك و لا هنت

على الحضور المتميز يالغالي

ابيض الوجه .. سعدت بتواجدك و اتعليقك

تحياتي لك

	المشاركة الأصلية كتبت بواسطة نافع الحربي

	مخلد الحجيري صح لسانك وبيض الله وجهك على هذه الدرة الرائعة لاهنت

حياك الله يا نافع

نورت متصفحي بإطلالتك

صح بدنك و لاهنت

صح السانك

وبيض الله وجهك على الابداع


تقبل مروري

	المشاركة الأصلية كتبت بواسطة ابو نايف الخضراني

	صح السانك وبيض الله وجهك على الابداع تقبل مروري

ابو نايف الخضراني

صح بدنك و لا هنت

نورت متصفحي يالغالي

تحياتي لك

و اليوم مثل الدمع مـن ناظـري طحـت //// مــا عــاد لــك ذاك الـغــلا يـــوم أعـرفــك

ابيات في قمة الروعه

مخلد الحجيري
صح لسانك على هالاباداع