((مليون)) رساله إلى غائب

ترى للبطاء لوم

،،

شخابيط على الصفحه

ياعيد هاذي ثـلاث ايـام=والعين ياعيـد مانامـت
والفكر تلعبّـه الاوهـام=والنفس عن زادها صامت
ياعيد ماني على مايـرام=لوشفتني دايـمٍ صامـت
اصبر ولا اكثّـر الكـلام=من شان مايدري الشامت

الحب والكره يشبه موجب وسالب=متنافره ماتجمّـع لـو تجمعهـا
وشلون وانته بميدان الهوى طالب=لو تجمع اسلاكها يمكن تولعهـا
لكن ارى انك بهذا الشي ماتطـاب=بعض الامور الصعيبه ماتسنعهـا

نغليك 0000 لاجل واحدٍ فيـك=والا ترانا مالنـا فيـك حاجـه
زحمه وكلك يامدينه شرابيـك=يضيع من جالك بكثـر ادراجـه
بس الحقيقه لاجل غالين نغليك=اللي ببعض احيان فيك نتواحـه
هذا السبب والا صراحه ماادانيك=دايم وجوك مايوقـف عجاجـه
لولا غلاهم ماذكرتك ولااجيـك=مير البلا قلبي بوسطك علاجـه

لمـاذا لاتواصلنـي لمـاذا=تقاطعني وتتعبنـي لمـاذا
تعذبني بلا ذنـب وخطيـه=تبى تقضي على قلبي ياهذا
وانت قد كسبـت ود قلبـي=فلا ياجب تعاملنـي كهـذا
تولع فيك قلبي وانجبربـك=ولم ياجد سوى شعري ملاذا
من عنادك تقرب لي وتبعد=ياروح الروح لاهـذا ولاذا
حاولت انساك ياغالي ولكن=غلاك امطر على قلبي رذاذا

الغالي اللي سكن مابين حدب الضلوع=عشيته القلب والكبده وبعض الشوى
سكن صباح الاحد حتى صباح الربوع=ثلاثة ايام لكن للسفر مانوى
طقيت صدري عليه وقلت حان الطلوع=ترى انتهت الاقامه قال مالك لوى
شكله يبى يستريح اسبوع عقب السبوع=يمرح ويسرح بوسط الصدرومااحتوى

افتح عيونك قبل تقـراء الرسالـه=ثم اقرها مهلاً عسى عمرك يطـول
ممنوع تقرا رسالتي فـي عجالـه=وممنوع تقراها ابد وانت مشغـول
واعرف وش المطلوب في كل حاله=لاتفسر المعنى على غير مااقـول

\\\عاهدت نفسي ياهوى البال واقسمت\\\ \\\يحرم علي غيرك ولاعاد ابشتاق\\\

ملوك العشق ماادري وش بلاهم=بسهم العشق يرمون قتلاهم
ويمضون الطريق ولا عليهم=وينسون الضحايا من قساهم
ضحايا العشق مايحصى عددهم=سقاهم سم ماادري وش سقاهم
بسهم الحب كم راحت ضحيه=فهل نحتاج من عبره،سواهم؟
سهام العشق واسباب المنايا=مع اللي بالجمال الله عطاهم
عيون اللي تمتع به سحرها=وقلبه راح ضمن اللي بلاهم

الصمت في حضرة جمالك جميل=مااقدر اعبر عن كهذا جمال
لو جيت اعبر عنك شئ(ن)قليل=مايوفي اوصافك على كل حال
والشعر مهما كان عذب وجزيل=يعجز يعبر عن ،جمال وكمال
جمالك الطاغي هذا مستحيل=مااحدٍ يعبر عنه ياابن الحلال
الوقت في حضرتك ماله مثيل=والصمت في حضرة جمالك جمال