القصيده رد .....

	المشاركة الأصلية كتبت بواسطة ابوخالد الفريدي

	هجاج مطر العنزي ارسل لي قصيده فقدت مني لكن مطلعها:. ياراكب جمس على كيف ما اريد = يسوقه اللي درس به دراسه ليا جيت ابو خالد زبون الاجاويد = تلقاببيته كل عزووناسه ــــــــــ انا رديت عليه باالابيات التاليه:. /////////// يامرحبا من دون شرط ولاقيد = بالجمس لوراعيه صعب مراسه ابو فهد يمشي على حافة السيد = وعلمه نصاني والعلم بالرياسه من القضيمه حط مرساه في فيد = وحول بسيفه عند من شال فاسه وارسل لي الموضوع من دون تحديد=من عقب ما اوجه للخطر لين داسه لاشك هذا العيد حييت ياعيد = وكل على جسمه يفصل لباسه يابو فهد ياطيب الاصل لاتزيد = الوضع يردي والزمن بانتكاسه قامت على الايام تظهر تجاعيد = وصارت تردى مثل راع العساسه ناس تصيد وناس تاكل من الصيد= واحد من الثنتين يعلن فلاسه ياطير ون شفت الحباري ملابيد = اختر عشاك ولايصيبك شراسه ون عاضبت ياطير بلاش تهديد=العلم يبغى له هدو وسلاسه من شان لاتواجه تصلب وتنكيد = كف المخالب واحتكم للسياسه وانا ماكيد الناس ولااقبل الكيد =واخشى الاسد واخاف غدر البساسه ون صرت للموضوع لاقدر ولااجيد = اجنبه وكف عنه من اساسه من شان لايقولون علي ولد زيد =هام الطويل ولاطلع فوق راسه لوهي صغيره كبروها المقاريد =وانا يضايقني كلام الهلاسه

صح لسانك يابوخالد على المردود الجزل

قصيدة جزله ورائعة بمعنى الكلمة وغير مستغربة الحقيقة من شاعر مثلك

وتقبل جزيل احترامي