الشاعر القدير قابل استلم لاهنت

وإذا اردنا تحويلها يابو يزيد من محاوره الى قصيدة وردها تاتي معنا بكل سهوله -
وهذا يؤكد على تسلسل المعاني فالمجاراه -

ناصرالحجوري

ياسلامـي علـى اللـي يرتكـي للثقـال=والمسائـل لاشاكـت يعـرف يحلـهـا
جئت ادورّ على اصحاب الحروف الجزال=وقمت انادي ياقابـل غيركـم مـن لهـا
هات رد المعانـي مثـل هيـل الـدلال=والكـبـود العليـلـه بالشـفـاء بلـهـا
ياوسيع الصدر فالصدر صرخـة بـلال=وسع صدري ياقابل ضـاق مـن ثقلهـا
صرخة الضيم لـو دوّت تهـز الجبـال=وثُقـل كُثـر الهمـوم الحيـل مايقلـهـا
المآسـي لهـا قـصـه ولا فالخـيـال=مسرحيـة أسـيّـه مانتـهـى فصلـهـا
الافاعـي تناهشنـي عساهـا الــزوال=وانـا اقـول المشاكـل مالـي ومالـهـا
دلنـي للطريـق الصـح يابـن الحـلال=ويـن درب النجـاه إن كانّـك تدلـهـا
لو باجنّب شمال القـى الاسـى فالشمـال=ولو باجنّب يمين القـى طـرف حبلهـا
وين اجنب ياقابـل ويـن اشـد الرحـال= كيـل صبـري طفـح ماعـاد يبقالهـا

رد الشاعرقابل البشري

مرحبا ياهلا ياللي رقيـت الطـوال=من هجوس رجال الطيب ماملها
حاضرِبـالـوفـا مـافـيـه روح وتــعــال=والـمـسـايــل بـسـيـطــة بـيـنـنــا كــلــهــا
ياعميل النشيطة ياطويل الحبال=مثلكم كل علم زين يحصل لها
اطلق الصرخة اللي فاقت الاحتمال=وانثر الحرف ومزون الشقا هلها
صرخة الضيم تبقى في صدور الرجال =تبلع المر ماتبدي سبب غلها
ودورة الوقت ترمي بين شمس وظلال=ومن هوى شمسها ماعاش في ظلها
المآسي لها وقت الشدايد جمال=مـاوقــاهــا الـضـعـيّــف لـوتـمـايـلـهـا
وانت قدالحمايـل لاثنيـت العقـال=لاتـعـطـل يـمـيــن الــعــزم وتـشـلـهـا
الافــاعــي تجـنـبـهـا عــلـــى كـــــل حـــــال=وان تـــبــــلــــت طـــريــــقــــك لاتــســاهــلــهـــا
وراعي القول ياناصر صدق يوم قال=ديــــــــرةٍ مــاصـــفـــا لــــــــك دلــــهــــا خــلـــهـــا