من لاحسب لي بانفله نفلة الزرف

	المشاركة الأصلية كتبت بواسطة أبو ناصر

	هات القلم والطرس واعطوني الظرف = هاض الفؤاد وودي اولف ابيات أبيات ماولفتها في هواء الترف = رسالة لاهل الوجيه النقيات لأجل المعاني من كمرها لها صرف = تصرف هلل وألا تقدم جنيهات على ما أريد أعسف قافي على الحرف = ويجيك وافي مثل سلم الريالات إما صخرته يشمتوني هل العرف = اللي لهم في معالج الشعر جولات يا لوبغيت أغضي عن أهل الخطأ الطرف = الصبر له حزّه وللححزم حزات المرجلة ما تنغرف من صحن غرف = المرجلة صعبة على كل مرقات ياعين حذرا لا يجي خدي الذرف = على المقفي مالحقني حسوفات ومن لاحسب لي بانفله نفلة الزرف = لاصار فاضي ما يخوض المهمات ما فاد يا لو يملك العفر والشرف = ويملك ملايين الذهب والعمارات خله يولي دام هايف على جرف = قد قالها قبلي هل العرف مرات الشاعر / عبدالمطلوب مبارك البدراني

صح لسانك ياعبدالمطلوب وبيض الله وجهك

قصيدة جزلة ومن راس جزل