الشاعر القدير قابل استلم لاهنت

ناصرالحجوري=
يـاسـلامــي عــلــى الــلــي يـرتـكــي لـلـثـقـال=والـمـســائــل لاشـــاكـــت يـــعـــرف يـحــلــهــا
جئت ادورّ على اصحاب الحروف الجزال=وقـمـت انــادي يـاقـابـل غـيـركـم مـــن لـهــا
قابل البشري=
مرحبا ياهلا ياللي رقيـت الطـوال=من هجوس رجال الطيب ماملها
حاضرِبـالـوفـا مـافـيـه روح وتــعــال=والـمـسـايــل بـسـيـطــة بـيـنـنــا كــلــهــا
ناصرالحجوري=
فــاح رد المعـانـي مـثـل هـيـل الـــدلال=والـكــبــود الـعـلـيـلـه بـالـشـفــاء بـلــهــا
ياوسيع الصدر فالصدر صرخة بلال=وسع صدري ياقابل ضاق مـن ثقلهـا
قابل البشري=
ياعميل النشيطة ياطويل الحبال=مثلكم كل علم زين يحصل لها
اطلق الصرخة اللي فاقت الاحتمال=وانثر الحرف ومزون الشقا هلها
ناصرالحجوري=
صرخة الضيم لو دوّت تهز الجبال=وثُقـل كُثـر الهمـوم الحـيـل مايقلـهـا
الـمـآسـي لـهــا قـصــه ولا فالـخـيـال=مسرحـيـة أسـيّــه مانـتـهـى فصـلـهـا
قابل البشري=
صرخة الضيم تبقى في صدور الرجال =تبلع المر ماتبدي سبب غلها
ودورة الوقت ترمي بين شمس وظلال=ومن هوى شمسها ماعاش في ظلها