والحـقـيقـه صعـب جداً ذا الـبـشـرتفهـمها

اليكم هذه المتواضعه اتمنى ان تنال على أستحسانكم
؟
؟
والحـقـيقـه صعـب جداً ذا الـبـشـرتفهـمها

يـا سـلام الله تـحـيـة سـلـم مـن ســلــمها=عـطرها كادي ومسك وعـنبرويشـمومه
عـل نـفـس ٍ ردت الـتـسـلـيم لي مـعـدمها=سـنـة الإسـلام للـمـسـلـم بحـيـن قـدومه
كـل رجـلـن لـحـيــتـه لا صـانـهــا كـرمها=لا تـقــدا في تــقـالـيـد الـعـرب وسـلومه
وكـل دعــون مـدعــيـهـا لا وقــف قـدمها=اكـتـب اكـتـب يا قـلم بالخطة ألمرسومه
مـن بـنـات أفـكـار فـكـرن لانــوا حـكــمها=ما تـعـود امهـار فـكـره خايبه مهـزومه
دام هاجـس مفـردات الشعـر لك تـرجـمها= يـمكن تصحـي لها قـلـبـن بغـرقة نومه
يكسب الدعوا من الاخـصام من يخصـمها=ويخـسـرها خصمه اللي حجته معدومه
كل شـخـص ٍ يشـتـكي دنـيـاه يا مـظـلـمها=وانـت لا فـكـرت لا كل العـرب مهـمومه
والحـقـيقـه صعـب جداً ذا الـبـشـرتفهـمها=مشـكلتك الناس وجهتها ماهي مفهومه
اقـتـران الـرجـل بأنثى الغـرب حـبة فـمها=بـعـدهـا نـقـطـه ثـم اسـتفهام للمعـلومه
نـيـتـه في صـدقـهـا ربـن خـلـق يـعــلـمها=وعـنـدنا حـنا وثـيـقـه بالخـتـم مخـتومه
والـبـشـر والله فـلا ترحـمك لـو ترحـمها=والــرجـل لأمـد مـا مـديــتــلـه لا تـلـومه
والـشــهــادة لـعــنــت الله عـلى كـا تــمها=وتـركـت الأيـتـام بين أيتامها مقـسـومه
والـعـمـيـل اللي حـلـومه لا رقـد يـحـلـمها=اشرقة شمسه عـليه ولاصدقـن حـلومه
لـيـت لـو بالـطـيـبـة يـأهـل ألـوفـا خـتـمها= لكن ان الـدون دايـم يـقـصـرن عـزومه
يحـسـبـن كـل الـقـيـاس ارقـامها حـطـمها=مـا درى انـه داخـلن في دايره محـكومه
والـصـروح اللي بـنـاهـا لـلأســف هـدمها=وأصـبحـت ملاكها من مـلكها محـرومه
والمثل من شـان عين المـنطـقـة حـشـمها=عـيـن وحـده المديـنه لجلها محـشـومه

بقلم : محمد بن عبدالكريم الغرابي

كل رجلن لحيتـه لا صانهـا كرمهـا
لا تقدا فـي تقاليـد العـرب وسلومـه

صح لسانك وبيض الله قصيده لها شئون لمن يطعم المعاني اكثر من رائعه لاهنت يا الغالي

ابو عبد الكريم لافض فوك


صح لسانك وبيض الله وجهك

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة القلب الابيض

	كل رجلن لحيتـه لا صانهـا كرمهـا لا تقدا فـي تقاليـد العـرب وسلومـه صح لسانك وبيض الله قصيده لها شئون لمن يطعم المعاني اكثر من رائعه لاهنت يا الغالي

هلا وغلا فيك القلب الابيض وانت اسم على مسما وصح الله قلبك يالغالي

من ذوقك لاهنت ولاهان شانك ومن طيب راسك

فكم يشرفني ويسعدني الاشادة من شصخك الكريم

بحد ذاتها وسام لهذا المتصفح ادام الله عليك الصحة والعافيه

تقبل تقديري واحترامي

مفردات منتقاه بعنايه وابيات مترابطه باتقان
كونت لوحه فنيه لتكون قصيده رائعه تحت اسم المبدع / محمد عبدالكريم الغرابي
صح لسانك وسلمت يمينك

صح لسانك يا ابو عبد الكريم
على هذه الجزلة

صح لسانك وبيض الله وجهك
قصيده رائعه بروعة حضورك

ومن قال سالم و غانم

صح الله لسانك

قصيدة رائعه بحق

تحياتي

عليكم السلام
صح لسانك وبيض الله وجهك
قصيده رايعه